Aktualitet

Shpejtësi marramendëse në trotuar, gjobitet drejtuesi i automjetit në Pogradec, 24-vjeçari: Jam dakord

Ndaj personit me inicialet D. S. u vendos masa administrative 40 000 lekë të rinj.

25 Shkurt 2023, 11:34 Nga A.B
Shpejtësi marramendëse në trotuar, gjobitet drejtuesi i
Makina

POGRADEC- Policia ka ndëshkuar me gjobë një 24-vjeçar pasi shfaqej duke drejtuar mjetin me shpejtësi tej normave të lejuara. Ndaj personit me inicialet D. S. u vendos masa administrative 40 000 lekë të rinj. Nga verifikimet e kryera ka rezultuar se aktualisht automjeti nuk posedohet nga shtetasi D. S, por nga një shtetas tjetër. Në gjobën e bënë nga Policia, i riu shkruan: Jam dakord.

NJOFTIMI I POLICISË:

Qarkulloi me shpejtësi tej normave të lejuara, në trotuar, në qendër të banuar, ndëshkohet me masë administrative 40 000 lekë të rinj, drejtuesi i automjetit. Menjëherë pas publikimit të një videoje në rrjetet sociale, në të cilën shfaqet një drejtues automjeti që leviz me shpejtësi tej normave të lejuara, në trotuar, në zonë të banuar, në Pogradec, konkretisht në rrugën “10 Dëshmorët e Pojskës”, shërbimet e Sektorit të Policisë Rrugore të DVP Korçë kanë bërë të mundur identifikimin dhe ndëshkimin e drejtuesit të automjetit që shfaqej në video, shtetasit D. S.

Për kundërvajtjen e kryer, konkretisht për shkelje të nenit 139, pika 3 dhe 8 të Kodit Rrugor, në bazë të ligjit nr. 8378, datë 22.07.1998, ndaj shtetasit D. S. u vendos masa administrative 40 000 lekë të rinj. Nga verifikimet e kryera ka rezultuar se aktualisht automjeti nuk posedohet nga shtetasi D. S, por nga një shtetas tjetër. Drejtoria Vendore e Policisë Korçë apelon për të gjithë përdoruesit e rrugës që të respektojnë rregullat e qarkullimit rrugor, me qëllim mbrojtjen e jetës dhe garantimin e sigurisë rrugore.

pogradec

Sondazh

Poll

MË SHUMË