Art&Argëtim

Netflix ul çmimet për abonentët në më shumë se 30 vende

Vendet në të cilat tarifat e abonimit janë ulur përfshijnë Malajzinë, Indonezinë, Tajlandën, Filipinet, Kroacinë, Venezuelën, Kenia dhe Iranin.

24 Shkurt 2023, 18:21 Nga a.l
Netflix ul çmimet për abonentët në më shumë se
NETFLIX

SHBA- Gjigandi i transmetimit Netflix ka ulur çmimet në më shumë se 30 vende në përpjekje për të tërhequr më shumë abonentë. Mediat e huaja raportojnë se, çmimet janë ulur në pjesë të Azisë, Evropës, Amerikës Latine, Afrikës Sub-Sahariane dhe Lindjes së Mesme. Ky vendim vjen pasi rritja e kostos së jetesës i sheh familjet duke shtrënguar rripat e tyre dhe Netflix përballet me konkurrencë të shtuar nga shërbimet rivale.

"Anëtarët nuk kanë pasur kurrë më shumë zgjedhje kur bëhet fjalë për argëtimin," tha një zëdhënës i kompanisë.

Vendet në të cilat tarifat e abonimit janë ulur përfshijnë Malajzinë, Indonezinë, Tajlandën, Filipinet, Kroacinë, Venezuelën, Kenia dhe Iranin. 

Kompania nuk përmendi Mbretërinë e Bashkuar apo SHBA si vendet ku kishte ulur çmimet e saj. Netflix, i cili operon në më shumë se 190 vende, është përballur me konkurrencë të shtuar nga rivalët e transmetimit, duke përfshirë Amazon, HBO dhe Disney. Vitin e kaluar, firma shkurtoi qindra vende pune dhe lançoi një opsion më pak të shtrenjtë transmetimi me reklama, ndërsa luftoi për të rritur pjesën e saj në tregun gjithnjë e më konkurrues të transmetimit. Në janar, bashkë-shefi ekzekutiv i Netflix, Greg Peters, përshkroi se si ai planifikoi të tërheqë më shumë abonentë.

netflix

Sondazh

Poll