Policia ka zbardhur ngjarjen në afërsi të përroit të Limuthit, në Bërxullë, ku 48-vjeçari u gjet i vdekur mesditën e 13 shkurtit.
TIRANË- Vdekja e Elton Tahirit vë në pranga mikun e tij të ngushtë, Majdiel Husa. Policia e Shtetit, bën të ditur se shkaku i vdekjes së 48-vjeçarit është bërë mbidoza nga lëndët narkotike, të cilat i ka konsumuar në shtëpinë e shokut të tij. Husa, është arrestuar për shkak se nuk kallëzoi ngjarjen në Polici, madje tentoi ta fshihte atë duke dërguar trupin në një vend tjetër.
Shoku e ka transportuar me automjet dhe e ka lënë trupin e pajetë të Tahirit, në afërsi të përroit të Limuthit, në fshatin Bërxull, Tiranë. Gjatë kontrollit në banesën, shërbimet e Policisë kanë gjetur dhe sekuestruar sende që dyshohet se janë përdorur për konsumimin e lëndëve narkotike dhe automjeti i përdorur nga Husa për transportimin e trupit të pajetë.
NJOFTIMI I POLICISË:
Zbardhet shkaku i vdekjes së 48-vjeçarit që u gjet i pajetë në datën 13.02.2023, në afërsi të përroit të Limuthit, në Bërxullë. Nga veprimet hetimore dyshohet se 48-vjeçari ka ndërruar jetë gjatë kohës që ka qenë duke konsumuar droga të forta, bashkë me shokun e tij, në banesën e këtij të fundit. Vihet në pranga shtetasi M. H. (shoku i 48-vjeçarit), pasi nuk kallëzoi në Polici, për ngjarjen, dhe transportoi trupin e pajetë të shokut të tij, nga banesa në afërsi të përroit të Limuthit. Sekuestrohen sende që dyshohet se janë përdorur nga këta shtetas, për konsumimin e lëndëve narkotike, në banesë, si dhe automjeti i përdorur për transportimin e trupit të pajetë të 48-vjeçarit.
Specialistët e Seksionit për Hetimin e Krimeve Ndaj Jetës në DVP Tiranë, pas ngjarjes së ndodhur në datën 13.02.2023, në afërsi të përroit të Limuthit, në Bërxullë, ku u gjet një kufomë e seksit mashkull, më një dokument identifikimi me gjeneralitetet E. T., 48 vjeç, kanë organizuar menjëherë punën për zbardhjen e rrethanave të ngjarjes. Nga veprimet hetimore ka rezultuar se shtetasi E. T., 48 vjeç ka ndërruar jetë gjatë kohës që ka qenë duke konsumuar lëndë narkotike kokainë dhe heroinë, bashkë me shokun e tij, shtetasin M. H., 47 vjeç, në banesën e këtij të fundit.
Më pas dyshohet se shtetasi M. H. e ka transportuar me automjet dhe e ka lënë trupin e pajetë të 48-vjeçarit, në afërsi të përroit të Limuthit, në fshatin Bërxull, Tiranë. Gjatë kontrollit në banesën e shtetasit M. H., shërbimet e Policisë kanë gjetur dhe sekuestruar sende që dyshohet se janë përdorur për konsumimin e lëndëve narkotike dhe automjeti i përdorur nga shtetasi M. H., për transportimin e trupit të pajetë. Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
Anija me emigrante BRITANI E MADHE- Arrestohet shqiptari në Angli. Mediat britanike bëjnë të ditur se në pranga ka përfunduar...
Amar, Dritan Shkëmbi DUBAI- Amar (Dritan) Shkëmbi, është arrestuar një ditë më parë nga Policia në Abu Dhabi t...
Foto nga shkrimi TIRANE- Një artikull i "The Guardian" vë theksin te rritja e alternativave që turistët të kenë mundësi ...
Artan Fuga TIRANË- Akademiku i njohur Artan Fuga do të kandidojë për kryetar të Akademisë së Shkencave përball...
Ambulance LEZHË- Një aksident ka ndodhur mëngjesin e sotëm në aksin rrugor Lezhë-Balldre. Një person ka ...
Edi Rama JAPONI-Kryeministri Edi Rama është takuar me një shqiptar në Hiroshima. Këtë takim, ai e ka regjistruar dhe ndar&eum...
Policia FIER- Policia ka arrestuar një 42-vjeçar pasi ishte shpallur në kërkim për plagosje. Personi me inicialet D.R, ban...
Radha ne Korçe KORÇË- Rritja e çmimit të patentës në 850 mijë lekë ka bërë që të kri...
Policia ITALI- Një aksident fatal i ka ndodhur një 33-vjeçari shqiptar në Cosenza. I riu shqiptar ka humbur kontrollin e makinës...
Anija DURRËS- Katër anije të NATO-s kanë mbërritur në portin e Durrësit. Një flotilje e përbërë...