Aktualitet

Rama takon 'labin' në Hiroshima, shqiptari habit me deklaratën: Fshati im është shumë herë më mirë se këtu

Shqiptari i cili jeton prej 17 vitesh në Hiroshima, ka treguar se jetesa në Japoni është shumë e vështirë pasi është vend i zhvilluar.

24 Shkurt 2023, 10:33 Nga A.B
Rama takon 'labin' në Hiroshima, shqiptari habit me
Edi Rama

JAPONI-Kryeministri Edi Rama është takuar me një shqiptar në Hiroshima. Këtë takim, ai e ka regjistruar dhe ndarë me të gjithë ndjekësit në rrjetet sociale. Shqiptari, thotë se e ka marrë malli shumë për vendin e tij e se mezi po pret që të kthehet. 

'Me flamur Shqipërie e përmallim për Labërinë në Hiroshima'- shkruan Rama përkrah videos në 'Facebook'.

'Është dhe Flamurtari' këtu'- thotë Rama. 

Shqiptari i cili jeton prej 17 vitesh në Hiroshima, ka treguar se jetesa në Japoni është shumë e vështirë pasi është vend i zhvilluar. Ai thekson se ka në plan rikthimin në Shqipëri madje thotë se fshati ku ka lindur është zhvilluar. 

'Kënaqësi që na erdhe. Po bën diçka të paimagjinueshëm. Jam nga Nivica, e Tepelenës, jam martuar me japoneze. Për 17 vite këtu, më mungon Shqipëria, u bëj thirrje shqiptarëve që të mos ikin, Shqipëria është vend i mirekullueshëm. Dua të kthehem shumë shpejt. Do kthehem se fshati im ka marrë një zhvillim që është shumë herë më mirë se këtu ku ndodhem. Jo shumë njerëz do thonë, po është e vërtetë. Japonia është vend i vështirë, është shumë vend i zhvilluar, e mendoj që të kthehem shumë shpejt. Guri i rëndë në vend të vet. Bashkëshortja ka qënë në Shqipëri, unë jo që 17 vite'- tha shqiptari.

edi rama rama ne japoni

Sondazh

Poll

MË SHUMË