Bota

Aksident i rëndë për ish-mbretëreshën 85-vjeçare të Holandës, Beatrix thyen dorën teksa bën ski

 Incidenti ka ndodhur të premten, konfirmoi të hënën zyra e komunikimit të qeverisë.

21 Shkurt 2023, 16:36 Nga I.A
Aksident i rëndë për ish-mbretëreshën 85-vjeçare
Princesha e Kurorës Amalia, ish-Mbreteresha Beatrix dhe Mbreti Willem-Alexander

HOLANDË- Ish-mbretëresha e Holandës Beatrix, theu kyçin e dorës duke bërë ski javën e kaluar. Incidenti ka ndodhur të premten, konfirmoi të hënën zyra e komunikimit të qeverisë. Zyra nuk ka dhënë detaje konkrete se si u plagos 85-vjeçarja.

"Ajo tani ka bërë një operacion në frakturën e saj dhe është kthyer në Holandë. Ish-Mbretëresha është në gjendje të mirë shëndetësore dhe do të shërohet nga fraktura e saj në shtëpi," tha RVD. Beatrix banon në Kështjellën Drakensteyn në Lage Vuursche, pjesë e Baarn, Utrecht.

Anëtarët e familjes mbretërore holandeze udhëtojnë në Lech, Austri pothuajse çdo vit për një pushim skish. Për shkak të lëndimit, Beatrix e shtyu vizitën e saj në Shtëpinë Mbretërore Bronbeek për personelin ushtarak në pension dhe muzeun Bronbeek. Ajo duhej të merrte pjesë në festimin e 160-vjetorit në objektin e Arnhem të premten.

beatrix ish-mbreteresha beatrix

Sondazh

Poll

MË SHUMË