Sport

Rrëfehet Boris Becker: “Fillova të qaj në burg, kur Djokoviç fitoi Wimbledonin, jemi një familje tashmë...”

Becker kaloi 30 muaj burg në Britani për shkeljen e rregullave të falimentimit duke fshehur rreth 3.1 milionë dollarë pasuri për të shmangur pagesën e borxheve.

19 Shkurt 2023, 17:48 Nga DOSJA
Rrëfehet Boris Becker: “Fillova të qaj në burg, kur

GJERMANI - Ish-tenisti më i mirë në botë, Boris Becker, ka falënderuar sot tenistin serb Novak Gjokovic për mbështetjen që i ka dhënë gjatë kohës që ishte në burg në Britani dhe shtoi se Gjokoviçin e konsideron “ndoshta lojtarin më të mirë të të gjitha kohërave”.

Gjatë prezantimit të një dokumentari në Festivalin e Filmit në Berlin për sukseset e tij në lojë dhe vështirësitë që hasi pas karrierës, ish-tenisti gjerman tregoi se Gjokoviç ishte gjithmonë pranë tij.

"Gjokovic është bërë anëtar i familjes. Ju e dini që kemi pasur një bashkëpunim afatgjatë profesional dhe e kemi përfunduar në vitin 2016. Por gjithmonë kemi qëndruar afër, sidomos gjatë paraburgimit. Ai më ka mbështetur mua dhe ka mbështetur familjen time. Kur ai fitoi titullin unë fillova të qaj”, tha Becker, i cili ndoqi udhëtimin e Novak në Wimbledon nga burgu.

Becker ishte trajner i Gjokoviçit nga viti 2013 deri në vitin 2016. Gjokoviç më pas fitoi gjashtë tituj Grand Slam, dhe deri më tani gjithsej 22.

Në atë dokumentar, Gjokoviç thekson se ai mori "forcën mendore" të nevojshme për të luajtur nën presionin e Becker.

“Jam shumë krenar për faktin që ndoshta një nga lojtarët më të mëdhenj të të gjitha kohërave është pjesë e historisë për mua”, tha Becker.

Becker kaloi 30 muaj burg në Britani për shkeljen e rregullave të falimentimit duke fshehur rreth 3.1 milionë dollarë pasuri për të shmangur pagesën e borxheve.

B.T (Dosja.al)

Sondazh

Poll

MË SHUMË