Politike

Kurti: Serbia dëshiron që Ballkani të jetë i hapur për Rusinë dhe Kinën

Albin Kurti e cilësoi këtë nismë të ndikuar nga Serbia, për të cilën tha se dëshiron që Ballkani të jetë i hapur për Rusinë dhe Kinën.

15 Shkurt 2023, 23:07 Nga k.m.
Kurti: Serbia dëshiron që Ballkani të jetë i hapur për
Albin Kurti

PRISHTINË- Kryeministri i Kosovës Albin Kurti ka specifikuar arsyet për të cilat konteston nismën e Ballkanit të Hapur. Përballë gazetarit Blendi Fevziu në një intervistë për emisionin "Opinion", Albin Kurti e cilësoi këtë nismë të ndikuar nga Serbia, për të cilën tha se dëshiron që Ballkani të jetë i hapur për Rusinë dhe Kinën.

Pjesë nga intervista në “Opinion” :

Kurti: Me qëndrimin e Serbisë ndaj Kosovës dhe shqiptarëve nuk mund të ketë Ballkan të hapur pro serb dhe pro rus. Serbia dëshiron që Ballkani të jetë i hapur për Rusinë dhe Kinën siç është dhe vetë e hapur për fuqitë e lindjes dhe veri-lindjes.

Fevziu: Cila do të jetë e keqja e një nisme rajonale që nuk vjen nga Brukseli apo Berlini?

Kurti: Në procesin e Berlinit kemi platformën e bashkëpunimit rajonal nuk ka nevojë për dyzime të tjera. Le të shohim në këtë Ballkanin e hapur sa e mbyllur është Serbia për shqiptarët në Preshevë, Medvegj dhe Bujanovc. Le të hapet Serbia si shtet kinse demokratik për shqiptarët ashtu mund të kontribuojë në Ballkanin e hapur evropian dhe demokratik.

albin kurti

Sondazh

Poll

MË SHUMË