Bota

Mrekulli/ Nxirren gjallë dy persona nga rrënonjat e tërmetit në Turqi dhe Siri 

Fatma Gungor u nxor nga rrënojat e një ndërtese të shembur në provincën Adiyaman, Turqi, pasi mbeti e bllokuar për gati nëntë ditë.

15 Shkurt 2023, 09:51 Nga I.A
Mrekulli/ Nxirren gjallë dy persona nga rrënonjat e tërmetit
Fatma Gungor

TURQI- Një grua 77-vjeçare e nxjerrë nga rrënojat e një ndërtese të shembur 212 orë pasi dy tërmete të mëdha shkatërruan Turqinë dhe Sirinë, ishte ndër mrekullitë e shpëtimit të bëra dje. Fatma Gungor u nxor nga rrënojat e një ndërtese të shembur në provincën Adiyaman, Turqi, pasi mbeti e bllokuar për gati nëntë ditë.

Dhe adoleshentja siriane Seher Ghanam, 15 vjeç, ishte një nga të paktën nëntë personat që u gjetën të gjallë dje në provincën Hatay të Turqisë, 209 orë pas katastrofës. Ajo u fotografua duke drejtuar gishtat drejt qiellit teksa u mor nga punonjësit e shërbimit të urgjencës në një barelë, e mbështjellë me një batanije petë dhe e veshur me një maskë oksigjeni, përpara se të ngarkohej më pas në një ambulancë për trajtim. Seher u shpëtua menjëherë pasi babai i saj Faez Ghanam u nxor nga e njëjta ndërtesë.

Dy tërmete shkatërruese goditën të hënën pjesë të Turqisë dhe Sirisë. Tërmeti kryesor u pasua nga dhjetëra pasgoditje. Sipas informacioneve të fundit, më shumë se 41,000 njerëz kanë vdekur dhe shifra pritet të vazhdojë të rritet. Fillimisht jugu i Turqisë u godit nga një tërmet me magnitudë 7.8 gradë të shkallës Rihter dhe u ndje në disa vende të rajonit dhe përveç njerëzve në Turqi, viktimat më të shumta ishin në Sirinë fqinje.

fatma gungor seher ghanam termet ne turqi

Sondazh

Poll

MË SHUMË