Art&Argëtim

Presidentja e 'Oscars': Shuplaka e Will Smith ishte e papërshtatshme, përgjigjia jonë ishte e pamjaftueshme

Akademia u kritikua për lejimin e shfaqjes për të vazhduar me pjesëmarrjen e Will Smith në vazhdën e sulmit.

14 Shkurt 2023, 16:52 Nga A.B
Presidentja e 'Oscars': Shuplaka e Will Smith ishte e
Will Smith

SHBA- Presidentja e Oscars tha para një auditori të mbushur me persona se përgjigja e Akademisë pasi Will Smith goditi Chris Rock-un ishte "e papërshtatshme". Duke folur në drekën e të nominuarve në Los Anxhelos, Janet Yang tha se në të ardhmen Akademia "duhet të veprojë shpejt, me dhembshuri dhe vendosmëri".

Smith goditi Rock në skenë në shfaqjen e Academy Awards të vitit të kaluar pasi Rock bëri një shaka me gruan e Smith. Disa minuta më vonë, ai me lot pranoi çmimin për aktorin më të mirë në filmin King Richard.

Akademia u kritikua për lejimin e shfaqjes për të vazhduar me pjesëmarrjen e Will Smith në vazhdën e sulmit.

"Ajo që ndodhi në skenë ishte plotësisht e papranueshme dhe përgjigja nga organizata jonë ishte e pamjaftueshme," tha Yang të hënën.

"Ne mësuam nga kjo se Akademia duhet të jetë plotësisht transparente dhe e përgjegjshme në veprimet tona, dhe veçanërisht në kohë krize, ne duhet të veprojmë me shpejtësi, me dhembshuri dhe vendosmëri për veten dhe për industrinë tonë."

Ajo po fliste në Beverly Hills në dhomën e të nominuarve duke përfshirë Brendan Fraser, Angela Bassett, Tom Cruise dhe Michelle Yeoh. Pas shuplakës, Akademia nisi një rishikim se si u trajtuan pasojat, gjë që rezultoi në ndalimin e Smithit nga aktivitetet e Akademisë për 10 vjet.

Smith ka kërkuar falje disa herë, i ka quajtur veprimet e tij "tronditëse, të dhimbshme dhe të pafalshme" dhe ka dhënë dorëheqjen nga Akademia.

Shuplaka ndau opinionet, me disa që lavdëruan Smithin për mbrojtjen e gruas së tij, ndërsa të tjerë e dënuan dhunën. Smith u mbështet nga Tyler Perry dhe Denzel Washington, dhe aktorja Tiffany Haddish e quajti shuplakën "gjëja më e bukur që kam parë ndonjëherë".

Megjithatë, producenti i filmit Marshall Herskovitz i bëri thirrje Akademisë që "të ndërmarrë masa disiplinore kundër Will Smith" sepse "ai turpëroi të gjithë komunitetin tonë sonte".

Aktorja Mia Farrow tha se ishte “momenti më i shëmtuar i Oscars”.

Chris Rock nuk ngriti akuza dhe foli publikisht për shuplakën disa muaj më vonë, duke deklaruar se ai "nuk është viktimë".

Burimi: BBC

will smith

Sondazh

Poll

Art&Argëtim 14 Shkurt 2023, 12:05

Të lidhur nga dashuria!

Vodafone Shën Valentini erdhi. Sot, përveç Kupidit, dy çifte kanë edhe një aleat tjetër, Vodafone Albania, i cili ka...

MË SHUMË