Bota

Mrekulli në Turqi! 195 orë nën rrënoja, nxirret i gjallë 17-vjeçari, tërmeti i mori nënën e 3 motrat, babain e kishte humbur në aksident

Nën rrënoja ndodheshin nëna e tre motrat e Enes, të cilat nuk kishin mbijetuar. 17-vjeçari kishte humbur dhe babain e tij në një aksident 11 vite më parë.

14 Shkurt 2023, 08:08 Nga F.M
Mrekulli në Turqi! 195 orë nën rrënoja, nxirret i
Turqi

TURQI- Ndërsa ka kaluar një javë pas tërmeteve që tronditën Turqinë e Sirinë më 6 shkurt, lajmet shpresëdhënëse vazhdojnë të vijnë. Mediat turke shkruajnë se 17-vjeçari Muhammed Enes u nxor nga rrënojat në Kahramanmaraş.

Pas 195 orëve nën rrënoja, u dëgjua një zhurmë në rrënojat e apartamenteve Seçkinler në Kahramanmaraş. Nën rrënoja ndodheshin nëna e tre motrat e Enes, të cilat nuk kishin mbijetuar. 17-vjeçari kishte humbur dhe babain e tij në një aksident 11 vite më parë

Dy tërmete shkatërruese goditën të hënën pjesë të Turqisë dhe Sirisë. Tërmeti kryesor u pasua nga dhjetëra pasgoditje. Sipas informacioneve të fundit, më shumë se 36,000 njerëz kanë vdekur dhe shifra pritet të vazhdojë të rritet. Fillimisht jugu i Turqisë u godit nga një tërmet me magnitudë 7.8 gradë të shkallës Rihter dhe u ndje në disa vende të rajonit dhe përveç njerëzve në Turqi, viktimat më të shumta ishin në Sirinë fqinje.

termet ne turqi

Sondazh

Poll

MË SHUMË