Bota

Marrëveshja për Asosacionin/ Abdixhiku thirrje Kurtit: Ose zbatoje sipas vendimit të Kushtetueses ose zhbëje

Ndërsa, deklarimin e sotëm të kryeministrit Kurti, ai e quajti të paqartë dhe kontrovers.

13 Shkurt 2023, 16:01 Nga a.l
Marrëveshja për Asosacionin/ Abdixhiku thirrje Kurtit: Ose zbatoje
Lumir Abdixhiku dhe Albin Kurti

KOSOVË- Kryetari i Lidhjes Demokratike të Kosovës, Lumir Abdixhiku, në seancën e sotme të Kuvendit ka patur një sërë kritikash ndaj kreut të qeverisë Albin Kurti i cili ka folur sot sërish për dialogun me Serbinë. Abdixhiku e kritikoi Kurtin për mungesë transparence sa i përket dialogut, ndërsa tha se kaq shumë shpërfillje ndaj përfaqësuesve të popullit, nuk ka treguar  asnjëherë askush. Sa i përket formimit të Asociacionit të komunave me shumicë serbe në Kosovë, lideri opozitar tha se kryeministri duhet ta ketë parasysh që para vetes ka një marrëveshje të ratifikuar në vitin 2013 në Kuvendin e Kosovës.

“Kryeministri duhet të kuptojë se para vetes e ka një marrëveshje të ratifikuar në vitin 2013 në Kuvendin e Kosovës. Populli i Kosovës përmes deputetëve me 84 vota për, që i bie 80 për qind e qytetarëve të Kosovës, e kanë marrë një vendim të tillë”, u shpreh Abdixhiku.

Sipas tij, kryeministri ka dy mundësi, të zhbëjë këtë marrëveshje ose ta zbatojë atë sipas vendimit të Gjykatës Kushtetuese.

Të tjerat janë lojëra fjalësh për debate e konsume populiste”, u shpreh kreu i LDK-së.

Ndërsa, deklarimin e sotëm të kryeministrit Kurti, ai e quajti të paqartë dhe kontrovers.

dialogu kosove-serbi lumir abdixhiku

Sondazh

Poll