Sport

Ish-mesfushori çek i Sampdorias, nuk fshihet më: “Unë jam homoseksual!”...

Në një video të postuar sot në faqen e tij në Instagram, Jakub Jankto njoftoi se ai 'nuk donte më të fshihej', duke u deklaruar si homoseksual

13 Shkurt 2023, 15:26 Nga DOSJA

Ish-mesfushori çek i Sampdorias, nuk fshihet më: “Unë jam

ÇEKI - Mesfushori i Sparta Pragës, Jakub Jankto, i cili kaloi shtatë vite të karrierës së tij në Itali, ka bërë të ditur se është homoseksual në një video të publikuar sot në rrjetet sociale.   

Mesfushori çek iu bashkua sistemit të të rinjve të Udineses në 2014 për 700.000 euro dhe kaloi katër vjet i lidhur me ekipin, duke kaluar kohë në huazim me Ascolin, përpara se të largohej nga Sampdoria në 2019. Pas dy vitesh në Liguria, Jankto u shit te Getafe për 6 milionë euro, duke iu bashkuar Sparta Pragës në formë huazimi 12 muaj më vonë.

Në një video të postuar sot në faqen e tij në Instagram, Jankto njoftoi se ai 'nuk donte më të fshihej', duke u deklaruar si homoseksual. Në vitin 2023, është ende e rrallë të dëgjosh për futbollistë homoseksualë, duke e bërë vendimin e Janktos të guximshëm dhe frymëzues, për ata që ende heshtin për seksualitetin e tyre.

Homofobia është ende një çështje e përhapur në futbollin modern dhe u bë një temë e nxehtë në prag dhe gjatë Kupës së Botës në Katar, një komb që kriminalizon homoseksualitetin.

Videoja e Janktos në Instagram shoqëronte mbishkrimin: “Përshëndetje, unë jam Jakub Jankto. Si gjithë të tjerët, edhe unë kam pikat e mia të forta. Unë kam dobësitë e mia. Unë kam një familje. Kam miqtë e mi. 

Unë kam një punë, të cilën e bëj sa më mirë prej vitesh me seriozitet, profesionalizëm dhe pasion. Si gjithë të tjerët, edhe unë dua ta jetoj jetën time në liri. Pa frikë. Pa paragjykim. Pa dhunë. Por me dashuri. Unë jam homoseksual dhe nuk dua të fshihem më.”

B.T (Dosja.al)

Sondazh

Poll

MË SHUMË