Bota

E akuzuan për blasfemi, turma rreh për vdekje burrin në Pakistan

Blasfemia është një çështje jashtëzakonisht e ndjeshme në Pakistanin me shumicë myslimane, ku edhe akuzat e paprovuara mund të nxisin turma dhe dhunë.

11 Shkurt 2023, 20:07 Nga I.A
E akuzuan për blasfemi, turma rreh për vdekje burrin në Pakistan
Foto Ilustruese

PAKISTAN- Një turmë të rinjsh rrahën për vdekje një musliman në Pakistan të shtunën pasi viktima u akuzua për blasfemi. Blasfemia është një çështje jashtëzakonisht e ndjeshme në Pakistanin me shumicë myslimane, ku edhe akuzat e paprovuara mund të nxisin turma dhe dhunë.

Qindra të rinj sulmuan një stacion policie ku burri mbahej për mbrojtjen e tij në distriktin Nankana Sahib të provincës Punjab, rreth 80 km nga qyteti lindor i Lahore. Ata plagosën oficerët dhe vandalizuan objektin përpara se ta rrahën për vdekje burrin, tha policia.

Oficerët thanë se viktima, në mesin e të 30-ave, u akuzua për përdhosje të Kuranit, librit të shenjtë mysliman.

"Turma sulmoi stacionin e policisë dhe e rrahu njeriun për vdekje. Pasi e vranë, ata u përpoqën t'i vinin flakën trupit," tha zëdhënësi i policisë lokale Waqas Khalid për AFP.

Khalid tha se autoritetet po punonin për identifikimin e sulmuesve përgjegjës për vdekjen e burrit. Videot e shpërndara në mediat sociale treguan qindra të rinj që rrethonin kompleksin e policisë, me një burrë që ngjitej në një portë të gjatë duke përdorur një shkallë dhe duke hapur bllokimin e saj.

waqas khalid blasfemia

Sondazh

Poll

MË SHUMË