Bota

Moti i keq pushton Italinë/ Reshje bore dhe shiu, urdhërohet mbyllja e shkollave, ja zonat më të prekura

Situata më shqetësuese për momentin është ajo e Sicilisë dhe Kalabrisë ku prej ditës së djeshme ka nisur një trazirë e fortë me një uragan mesdhetar që sjell erë dhe bubullima.

10 Shkurt 2023, 18:15 Nga a.l
Moti i keq pushton Italinë/ Reshje bore dhe shiu, urdhërohet mbyllja e
Itali

ITALI- Rikthehet moti i keq në Itali, me borë dhe të ftohtë në qendër dhe në jug, i cili kundërpeshohet nga gjendja e thatësirës së pazakontë (për periudhën) në veri, veçanërisht në Piemonte. Sipas 'Coldiretti' efektet e ngrohjes globale po ndihen dhe ngjarjet ekstreme në 2023 janë pothuajse katërfishuar, duke arritur në 100 që nga fillimi i vitit me dëme për shkak të motit të keq në fusha dhe struktura bujqësore.

Situata më shqetësuese për momentin është ajo e Sicilisë dhe Kalabrisë ku prej ditës së djeshme ka nisur një trazirë e fortë me një uragan mesdhetar që sjell erë dhe bubullima. Mbrojtja civile ka lëshuar një alarm të kuq për pjesën jugore të Siçilisë. Për ditën e sotme parashikohen stuhi dhe erëra të forta stuhie e për pasojë disa bashki kanë vendosur të mbyllin shkollat e të gjitha niveleve dhe disa hapësirave publike, shkruajnë mediat italiane. 

Dispozitat për këtë qëllim janë dhënë deri më tani nga komisioneri i jashtëzakonshëm i Bashkisë së Catania Piero Mattei, nga bashkitë e Sirakuzës dhe Agrigentos.  Zona më e prekur nga moti i keq, sipas parashikimeve të motit, duhet të jetë pjesa juglindore e Siçilisë.

Nga pasditja e së mërkurës vonë, ishujt më të vegjël dhe fshati Ginostra janë të izoluar. Këtyre iu shtuan dje Lipari, Vulcano dhe Salina. Megjithatë, bora dhe akulli preku gjithashtu Italinë qendrore, në veçanti Apeninet e Abruzzo-s dhe Marshet. Por trazirat shkuan edhe më në veri, duke zbardhur plazhet e Rimini.

moti i keq ne itali

Sondazh

Poll

MË SHUMË