Sport

Priten ndryshime në rregulloret e UEFA-s: 'marifeti' i Chelsea do jetë i jashtëligjshëm

Ceferin pretendon pas shpenzimeve të çmendura të londinezëve, që shlyerja financiare e lojtarëve të bëhet për një periudhë, jo më vonë se 5 vjet

9 Shkurt 2023, 15:58 Nga DOSJA
Priten ndryshime në rregulloret e UEFA-s: 'marifeti' i Chelsea do

ZVICER - Pas merkatos faraonike të Chelseas që shpenzoi 675 milionë euro mes verës së kaluar dhe merkatos së dimrit, pa shkelur “fair play”-in financiar, UEFA po merr masa dhe nga korriku i ardhshëm merkato do të ketë rregulla të reja, për vlerësimin e lojtarëve. Në dy seancat e fundit, ‘blutë’ Londrës kanë shpërndarë koston e lojtarëve mbi 7 ose 8 vjet, siç lejohet në Premier League, por presidenti i UEFA-s, Ceferin dëshiron ta kthejë atë në 5 që nga vera e ardhshme. 

Chelsea nuk ka thyer asnjë rregull, nuk rrezikon asgjë dhe ka qenë i mirë në anashkalimin e rregullave aktuale të FFP. Siç raporton 'La Gazzetta dello Sport', UEFA, megjithatë, është e bindur se kjo praktikë, e lejuar deri tani edhe nga rregulloret e saj, është e rrezikshme për të ardhmen e klubeve dhe stabilitetin e botës së futbollit dhe është e gatshme të ndërhyjë në mbledhjen e ardhshme të Komitetit Ekzekutiv, i caktuar në Lisbonë më 4 prill, dhe ndoshta ai vijues. 

Meqenëse UEFA nuk mund t'i detyrojë vendet të ndryshojnë rregullat e tyre, ajo do t'u kërkojë klubeve të hartojnë dy buxhete të ndryshme: ai që do të shqyrtohet në Nyon për të marrë regjistrimin për kupat europiane dhe për të mos pësuar ndëshkime, do të duhet të parashikojë që kostoja e blerjeve të shpërndahet në 5 vjet. Objektivi i qartë është t'u garantohen të gjithëve të njëjtat kushte konkurrence.

Vetëm në janar, Chelsea kishte afatin e tyre më të shtrenjtë të transferimeve dimërore ndonjëherë, duke shpenzuar më shumë se Serie A, La Liga, Bundesliga dhe Ligue 1 së bashku (323 milion £). Gjithsej 16 lojtarë të rinj zbarkuan në ‘Stamford Bridge’ në sezonin aktual. 

Wesley Fofana nga Leicester (80 milionë, marrëveshje 7-vjeçare deri në 2029), Cucurella nga Brighton për 65 (marrëveshje 6-vjeçare deri në 2028), Sterling nga City për 70 (marrëveshje deri në 2027: 5 vjet), Koulibaly nga Napoli për 38 milionë (kontratë deri në 2026: 4 vjet), Chukwuemeka nga Aston Villa për 18 (kontratë deri në 2028: 6 vjet), Aubameyang nga Barcelona për 12 (kontratë deri në 2024: 2 vjet) dhe Gabriel Slomina nga Chicago Fire për 9 (kontratë deri në 2028 : 6 vite), përveç huazimit të Denis Zakaria nga Juventusi.

B.T (Dosja.al)

Sondazh

Poll

MË SHUMË