Sport

Kupa e Francës/ Tudor eliminon PSG-në, Marseille fiton 2-1. Lyon kualifikohet...

Ramos i përgjigjet penalltisë së Sanchez, më pas vendos Malinovskyi. Galtier eliminohet. Tri ndeshje të tjera shkojnë me penallti

9 Shkurt 2023, 07:01 Nga DOSJA
Kupa e Francës/ Tudor eliminon PSG-në, Marseille fiton 2-1. Lyon

FRANCE - Në Velodrome, Marseille fitoi 2-1 kundër Paris Saint-Germain dhe e eliminoi nga Kupa e Francës. Skuadra e Tudorit kaloi në epërsi në minutën e 31-të, me Sanchez që realizoi penalltinë e fituar nga Under. Ramos i ngriti parizienët në këmbë në minutën e 47-të me një goditje me kokë, por në pjesën e dytë Olympique Marseille u rikthye në rrugën e duhur me goditjen e Malinovskyit në minutën e 57-të. 

Në 20 minutat e fundit Parisi mori frenat e lojës, në minutën e 79-të Messi shkoi afër golit 2-2, me këmbën e majtë, ndërkohë që në pjesën e pare Neymar goditi shtyllën. Gjithsesi, ndeshja përfundon 2-1, me Marseille që meriton të hyjë në raundin tjetër. PSG u eliminua, tmerrësisht sterile pa Mbappe.

Në gjashtë ndeshjet e tjera, në tri raste kalimi i raundit u vendos me penallti. Nantes eliminon Angers (1-1 në kohën e rregullores), ashtu edhe Lyon kundër Lille, pas barazimit 2-2. Paris FC-Annecy gjithashtu përfundoi pas goditjeve nga njëmbëdhjetë metra, me parizienët që u larguan nga gara pas një serie të gjatë. Vazhdon historia e Rodez-it, i cili pas eliminimit të Monakos në xhiron e mëparshme, ka përjashtuar edhe Auxerre-n, duke fituar 3-2. Grenoble fiton 1-0 ndaj Vierzonit, kalon edhe Toulouse, e cila mundi Reimsin 3-1.

B.T (Dosja.al)

Sondazh

Poll

MË SHUMË