Bota

Vrau dhe dogji vëllanë, shqiptari nga Kosova dënohet me burgim të përjetshëm

Bëhet me dije se ngjarja ka ndodhur më 11 shkurt të vitit 2020 për shkak të një mosmarrëveshje për pronën.

8 Shkurt 2023, 17:05 Nga I.A
Vrau dhe dogji vëllanë, shqiptari nga Kosova dënohet me burgim
Foto Ilustruese

KOSOVË- Një shqiptar nga Kosova është dënuar me burgim të përjetshëm ditën e sotme, pasi vrau dhe dogji vëllanë e tij. Bëhet me dije se ngjarja ka ndodhur më 11 shkurt të vitit 2020 për shkak të një mosmarrëveshje për pronën.

Sipas njoftimit të Gjykatës, i akuzuari G.K është dënuar me burgim të përjetshëm, pasi akuzohet se në fshatin Bërnjak të Rahovecit ka djegur trupin e të ndjerit dhe më pas mbetjet i ka hedhur në një vend deri tani të paidentifikuar.

“I pandehuri G.K., akuzohet se me datën 11 shkurt 2020, në fshatin Bërnjak, Komuna e Rahovecit, pikërisht në shtëpinë e tani të ndjerit, për shkak të konflikteve që kishin mes tyre lidhur me pronën, i akuzuari G.K., me dashje ka privuar nga jeta vëllain e tij, B.K., ku me pas e ka djegur trupin e të ndjerit dhe mbetjet i ka hedhur në një vend deri tani të pa identifikuar, me qëllim për ti zhdukur gjurmët e krimit. I pandehuri ka qenë i dënuar më parë për vrasjen e bashkëshortes nga Gjykata e Lozanës, në Zvicër”, thuhet në njoftim.

denohet shqiptari ne kosove

Sondazh

Poll