Bota

Tërmeti në Turqi, Erdogan: Kemi vendosur të shpallet gjendja e jashtëzakonshme për 3 muaj

Presidenti turk konfirmoi se numri i viktimave arriti në 3,549 vetëm në Turqi, ndërsa 22,168 të tjerë janë plagosur, duke shtuar se mbi 50,000 oficerë shpëtimi janë aktualisht në terren.

7 Shkurt 2023, 13:10 Nga I.A
Tërmeti në Turqi, Erdogan: Kemi vendosur të shpallet gjendja e
Rexhep Tajip Erdogan

TURQI- Presidenti turk Rexhep Tajip Erdogan shpalli të martën një gjendje të jashtëzakonshme tre-mujore në 10 provincat juglindore të goditura nga një tërmet i madh që ka marrë mijëra jetë. Presidenti turk konfirmoi se numri i viktimave arriti në 3,549 vetëm në Turqi, ndërsa 22,168 të tjerë janë plagosur, duke shtuar se mbi 50,000 oficerë shpëtimi janë aktualisht në terren.

"Për ndihmën emergjente dhe aktivitetet mbështetëse, ne kemi ndarë në radhë të parë një burim prej 100 miliardë lirash në dispozicion të institucioneve tona. Ne kemi vendosur të shpallim një gjendje të jashtëzakonshme për të siguruar që puna jonë shpëtimi dhe rimëkëmbja të mund të kryhet shpejt," tha Erdogan.

Bilanci i viktimave nga tërmeti tragjik që goditi Turqinë e Sirinë është përkeqësuar. Tani raportohet për mbi 5 mijë viktima në total dhe mbi 25 mijë persona të plagosur. E gjithë bota është solidarizuar me këto dy vende dhe kanë dërguar ekipe të kërkim-shpëtimit si edhe ndihma humanitare. Turqia ka numrin më të lartë të viktimave, me 2,921 të vdekur dhe 15,834 të plagosur. Ndërkohë, në Siri raportohet për 1,444 viktima dhe mbi 3 mijë të plagosur. Pasgoditjet nuk kanë ‘lënë të qetë’ Turqinë gjatë natës, ndërsa orët e para të mëngjesit u regjistrua një pasgoditje 5.6 ballë.  

rexhep tajip erdogan

Sondazh

Poll

MË SHUMË