Bota

MREKULLI! Shpëtohet pas 22 orësh 3-vjeçari në Turqi, gëzohet ekipi: Hajde bismilah (ME VIDEO)

Malatya ishte një nga epiqendrat e tërmetit shkatërrues të djeshëm në Turqi. Të paktën 4,372 të vdekur janë konfirmuar nga tërmeti i fuqishëm me magnitudë 7.8 që goditi Turqinë dhe Sirinë herët në mëngjes të së hënës.

7 Shkurt 2023, 08:20 Nga A.B
MREKULLI! Shpëtohet pas 22 orësh 3-vjeçari në Turqi,
Shpetimi

TURQI-Dje në orët e para të mëngjesit Turqia u godit nga një tërmet i tmerrshëm me magnitudë 7.8 gradë të shkallës Rihter dhe vetëm një orë më pas pasoi një tjetër tronditje prej 6.7. Shkatërrime të mëdha u shkaktuan edhe në Sirinë fqinje, ku më së shumti pësoi qyteti Al Bab. Lëkundjet e tokës janë ndjerë edhe në pjesë të tjera të Turqisë, në Gjeorgji, Armeni, Qipro dhe ka vazhduar të lëkundet edhe sot. Gjithnjë e më shumë po shtohen videot e personave që ekipet e shpëtimit arritën të nxjerrin nga nën rrënoja. Në mesin e tyre është edhe një djalosh tre vjeçar, i cili për 22 orë ka mbetur nën rrënojat e një pallati në Malati.

Gazetari i TRT-së, Hakan Kopur, ka shpërndarë pamjet në Twitter duke e cilësuar si një mrekulli.

Sipas njoftimit, Malatya ishte një nga epiqendrat e tërmetit shkatërrues të djeshëm në Turqi. Të paktën 4,372 të vdekur janë konfirmuar nga tërmeti i fuqishëm me magnitudë 7.8 që goditi Turqinë dhe Sirinë herët në mëngjes të së hënës.

Më shumë se 7,800 njerëz janë shpëtuar deri më tani në 10 provincat turke të goditura nga tërmeti, tha Orhan Tatar, një zyrtar i Agjencisë së Menaxhimit të Fatkeqësive.

termet ne turqi

Sondazh

Poll

MË SHUMË