Aktualitet

Identifkohet dhe kapet hajduti i biçikletave në Durrës, policia: Gjatë këtij viti ka vjedhur dhe shitur 11 biçikleta

Policia njofton se 34-vjeçari me iniciale S. T., është arrestuar në kuadër të operacionit të koduar 'Eleven' dhe është zbuluar se biçikletat e vjedhura ua shiste shtetasve të ndryshëm. 

4 Shkurt 2023, 13:25 Nga a.l
Identifkohet dhe kapet hajduti i biçikletave në Durrës,
hajduti i bicikletave

DURRËS- Një 34-vjeçar ka rënë në prangat e policisë në Durrës pasi ishte shpallur në kërkim për vjedhjen e 11 biçikletave. Policia njofton se 34-vjeçari me iniciale S. T., është arrestuar në kuadër të operacionit të koduar 'Eleven' dhe është zbuluar se biçikletat e vjedhura ua shiste shtetasve të ndryshëm. 

NJOFTIMI I POLICISË: 

Durrës/Finalizohet operacioni policor i koduar “Eleven", për zbardhjen e disa vjedhjeve.

U vodhi shtetasve të ndryshëm, 11 biçikleta gjatë këtij viti, identifikohet dhe vihet në pranga 34-vjeçari.

Specialistët për Hetimin e Krimeve të Komisariatit të Policisë Durrës, nisur nga denoncimet e qytetarëve për disa raste të vjedhjes së biçikletave të tyre, kanë organizuar menjëherë punën në kuadër të operacionit policor të koduar “Eleven", për identifikimin dhe kapjen e autorit.

Si rezultat i këtij operacioni, u vu në pranga shtetasi S. T., 34 vjeç, banues në Durrës, për veprën penale “Vjedhja”.

Nga veprimet hetimore, rezultoi se 34-vjeçari është autor i 11 vjedhjeve të biçikletave, shtetasve të ndryshëm, vjedhje të kryera gjatë periudhës janar-shkurt 2023. Shtetasi S. T. ua shiste më pas biçikletat e vjedhura, shtetasve të ndryshëm.

Vijon puna për zbardhjen dhe dokumentimin e vjedhjeve të tjera që mund të jetë kryer nga ky shtetas.

Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.

arrestime ne durres

Sondazh

Poll

MË SHUMË