Bota

Vjosa Osmani në Islandë/ Takohet me ministren e Punëve të Jashtme, bisedime për bashkëpunim mes dy vendeve

Sipas njoftimit nga Presidenca, në takim me ministren Reykfjörd Gylfadóttir është rikonfirmuar gatishmëria e dy vendeve  për thellimin e bashkëpunimit ndërshtetëror në politikën e jashtme.

3 Shkurt 2023, 16:11 Nga a.l
Vjosa Osmani në Islandë/ Takohet me ministren e Punëve të
Vjosa Osmani

KOSOVË- Presidentja e Republikës së Kosovës, Vjosa Osmani, gjatë qëndrimit në Islandë, është takuar me ministren e Punëve të Jashtme të Islandës, Thórdís Kolbrún Reykfjörd Gylfadóttir. Sipas njoftimit nga Presidenca, në takim me ministren Reykfjörd Gylfadóttir është rikonfirmuar gatishmëria e dy vendeve  për thellimin e bashkëpunimit ndërshtetëror në politikën e jashtme.

“Presidentja Osmani ka shprehur gatishmërinë për rritjen e bashkëpunimit dhe kontakteve përgjatë presidencës islandeze të Këshillit të Evropës, duke ritheksuar përkushtimin e palëkundur të vendit tonë për promovimin e të drejtave të njeriut, sundimit të ligjit dhe demokracisë. Ajo përmendi rëndësinë e madhe që ka për qytetarët e Kosovës avancimi tutje i anëtarësimit të Kosovës në këtë organizatë, duke thënë se Kosova është mishërim i vlerave që përfaqëson Këshilli i Evropës”, thuhet në komunikatë.

Më tej thuhet se Osmani dhe Gylfadóttir kanë diskutuar për situatën aktuale në rajon, Evropë dhe më gjerë, si dhe nevojën për të qëndruar të bashkuar kundër akterëve antidemokratik, të cilët kanë qëllim destabilizimin dhe kërcënimin e vlerave tona të përbashkëta liridashëse.

“Presidentja Osmani ka theksuar rëndësinë e avancimit të rrugës euroatlantike të Kosovës, duke përmendur hapat e ndërmarra për përafrim me BE-në dhe NATO-n, si dëshmi e vendosmërisë së palëkundur të popullit të Kosovës për këtë proces”, thuhet në njoftimin nga presidenca. 

Ndërkaq kryeministri Albin Kurti ka mbërritur sot në Turqi ku do të zhvillojë një takim me presidentin Turk Rexhep Taip Erdogan. Gjatë takimit që do të mbahet në Stamboll, do të shqyrtohen në aspekte të ndryshme marrëdhëniet dypalëshe mes Turqisë dhe Kosovës dhe do të diskutohen hapat që mund të ndërmerren për zhvillimin e mëtejshëm të bashkëpunimit. Po ashtu pritet të shkëmbehen mendime për çështjet rajonale dhe ndërkombëtare, veçanërisht në Ballkan.

thórdís kolbrún reykfjörd gylfadóttir vjosa osmani

Sondazh

Poll

MË SHUMË