Bota

Protestuesit planifikuan të digjnin Kuranin jashtë ambasadës në Oslo, 'shkëndijë' konfliktesh mes Turqisë dhe Norvegjisë

Masa erdhi pasi ministria e jashtme e Turqisë thirri ambasadorin e Norvegjisë Erling Skjonsberg lidhur me protestën e planifikuar.

2 Shkurt 2023, 17:36 Nga a.l
Protestuesit planifikuan të digjnin Kuranin jashtë ambasadës
Djegia e Kuranit

TURQI- Një grup protestuesish në Norvegji janë ndaluar nga policia pasi kishin planifikuar të digjinin një kopje të librit të shenjtë islamik, Kuranit para ambasadës në Oslo. 

“Policia thekson se djegia e Kuranit është një deklaratë politike ligjore në Norvegji, por kjo ngjarje nuk mund të zhvillohet për shkak të shqetësimeve të sigurisë”, tha në një deklaratë të enjten inspektori i policisë së Oslos, Martin Strand.

Masa erdhi pasi ministria e jashtme e Turqisë thirri ambasadorin e Norvegjisë Erling Skjonsberg lidhur me protestën e planifikuar, shkruajnë mediat e huaja. 

Si nisën tensionet? 

Incidenti vjen pas një proteste në kryeqytetin e Suedisë muajin e kaluar pranë ambasadës turke, ku politikani i ekstremit të djathtë danezo-suedez Rasmus Paludan dogji një kopje të Kuranit. Turqia denoncoi Suedinë për djegien e Kuranit, si dhe për një demonstratë të veçantë nga aktivistët kurdë që mbështesin Partinë e Punëtorëve të Kurdistanit (PKK), një grup që ka zhvilluar një kryengritje kundër shtetit turk që nga viti 1984 dhe që Turqia, Bashkimi Evropian dhe Shtetet e Bashkuara kanë caktuar një grup “terrorist”. Pas protestave, Turqia anuloi një vizitë të ministrit suedez të mbrojtjes që synonte të kapërcejë kundërshtimet e Ankarasë ndaj anëtarësimit të saj në NATO . Suedia dhe Finlanda kishin bërë përparim drejt një marrëveshjeje me Turqinë për pranimin e vendeve nordike në aleancën ushtarake, por mosmarrëveshjet kanë vënë në dyshim procesin.

tensionet turqi-norvegji

Sondazh

Poll

MË SHUMË