Sulmuesi i shkruan një letër të hapur për t'i dhënë fund 'luftës' së brendshme në klub
ITALI - Futbollisti i Romës, Nicolò Zaniolo, ka kaluar një javë në qendër të vëmendjes. Pas deklaratave të José Mourinhos pak ditë më pare, për faktin se futbollisti italian kishte kërkuar të largohej, e gjithë Roma ishte sulmuar kundër tij. "Çfarë duhet bërë kur një lojtar të thotë 'nuk dua të luaj për Romën', jo vetëm trajnerit, por të gjithë bashkëlojtarëve të tij. Gjithashtu, nuk dua të vesh fanellën e Romës, apo të stërvitem...",- është shprehur trajneri portugez për futbollistin e tij, duke shpjeguar mungesën e italianit.
Deri pak kohë më parë, Zaniolo konsiderohej titullari i padiskutueshëm për Mourinhon. Megjithatë, mënyra e tij për të kërkuar ndryshimin e peizazhit, ose për të mos vazhduar me rinovimin, përfundoi duke ndezur një luftë të brendshme te Roma, të cilën vetë futbollisti tani po përpiqet t'i japë fund.
Zaniolo ka publikuar një deklaratë në ANSA, agjencia shtetërore italiane e lajmeve, ku i drejtohet tifozëve të Romës, të njëjtëve që e kanë kërcënuar me jetë këto javë. Larg përpjekjes për të gjeneruar më shumë polemika, Zaniolo shkruan për paqe. "Shumë gjëra janë thënë dhe shkruar për mua në javët e fundit dhe shumë prej tyre janë të rreme,"- filloi ai. "Unë arrita te Romë si i huaj dhe Roma dhe tifozët më pritën si një të tyrin. Më dhanë besim, guxim dhe përzemërsi në momentet e tmerrshme dhe të errëta të dëmtimeve. Në Tiranë me atë gol ndjeva se ia ktheva gjithçka që kisha marrë, duke kontribuar për t'i dhënë gëzim të paharrueshëm të gjithë tifozëve të Romës”.
“Në moshën 23-vjeçare,- vijon sulmuesi, - kam pasur eksperienca që shumë nga kolegët e mi nuk i kanë në një karrierë të tërë: bie, ngrihu, bie sërish, ngrihu sërish, fito. Muajt e fundit unë kam kaluar një periudhë delikate, në të cilën ishte e vështirë të kuptoja se cila do të ishte e ardhmja ime profesionale, por gjithmonë jam përkushtuar në fushë dhe në stërvitje me profesionalizmin maksimal”.
Dhe më pas episodi i kërcënimeve nga fansat: “Për herë të parë këto ditë pata frikë, për veten dhe për familjen time dhe u ndjeva i braktisur. Nuk më kishte ndodhur kurrë”,- tha ai, - isha shumë i frikësuar. E ardhmja është në duart tona: Unë e lë timen dhe e vë veten në dispozicion të gjithë familjes romane”.
Zaniolo do t'i rikthehet stërvitjeve me skuadrën, pasi ka kaluar disa ditë jashtë kryeqytetit italian për shkak të ofendimeve dhe kërcënimeve të sipërpërmendura nga tifozët romakë. A do të luajë sërish me skuadrën e Mourinhos?
B.T (Dosja.al)
SPANJE - Sandro Rosell, ish-presidenti i FC Barcelonës, u ul para gazetarit Risto Mejides për të shpjeguar përvojën e tij t&eu...
ANGLI - Pak nga pak, Mick Schumacher po gjen mënyra për të dalë nga situata e tij e vështirë. Haas hoqi dor&...
ANGLI - "Çmenduri!". Kështu e përshkruajnë skenën ata që jetuan nga afër nënshkrimin e Enzo Fernánd...
ITALI - Tifozët e kanë parë në stol këtë fundjavë. Megjithatë, të enjten nuk do ta shohin në lëndi...
ANGLI - Antonio Conte do të marrë një pushim për t'u rikuperuar pas operacionit të mërkurën. Tottenham ka njoftuar se ...
FRANCE - Kalimi i Hakim Ziyech te PSG nuk është miratuar. Komisioni ligjor i LFP-së, në mbledhjen e mëngjesit të kësaj t...
ITALI - Përfaqësuesi i tij, Ted Dimvula, ndërhyn për të ardhmen e Rafaelit në Sky Sport: “Ky informacion shpif&eum...
ITALI - Hendeku është gjithmonë më i madh, nëse çdo blerje konsiderohet e mjaftueshme për të kaluar vështir&...
SHBA - Nuk është një moment i mirë për Hulk Hogan, një nga legjendat më të rëndësishme në historinë ...
SPANJE - Real dhe Barca, dy klubet e mëdha spanjolle, qëndruan në heshtje në këtë merkato dimri, asnjë afrim i rëndë...