Sport

Rikthimi i Paul Pogba, një dështim epik për Juventusin! Alegri: "Ka përsëri probleme"

I pranishëm në grup për ndeshjen ndaj Monzës më 29 janar, mesfushori francez nuk do të luajë këtë të enjte ndaj Lazios.

1 Shkurt 2023, 18:58 Nga DOSJA

Rikthimi i Paul Pogba, një dështim epik për Juventusin! Alegri:

ITALI - Tifozët e kanë parë në stol këtë fundjavë. Megjithatë, të enjten nuk do ta shohin në lëndinë. Edhe pse duhej të ishe arma më shumë për Juventusin, mesfushori Pol Pogba është kthyer në një shpenzim të kotë për bardhezinjtë. Shkak janë bërë dëmtimet e njëpasnjëshme të francezit, i cili nuk do të jetë i gatshëm për ndeshjen e radhës në Kupën e Italisë.

Alegri e kishte në stol ndaj Monzës, por nuk e aktivizoi dhe shpresonte që ta hidhte në fushë në ndeshjen e Kupës. Por me sa duket lojtari ka ndjerë shqetësime, duke shtyrë kësisoj edhe kthimin e tij në fushën e lojës në aktivitete zyrtare.

“Një kampionat tjetër ka nisur më datën 4 janar, dikush ka luajtur Botërorin, por thuajse të gjithë kanë dalë më parë me përjashtim të Rabio dhe argjentinasve. Për nesër nuk kam vendosur ende asgjë për formacionin. Përtej Bonuçit që vazhdon të jetë përsëri jashtë, i vetmi që nuk do të jetë i gatshëm pasi ka probleme muskulore është Pogba.

Për fat të keq, kur një lojtar vjen nga kaq shumë muaj mungesë aktiviteti, kur rrit nivelin e stërvitshmërisë, lindin dhimbje dhe nevojitet kohë”,- theksoi Alegri në konferencë për shtyp, duke konfirmuar kështu mungesën e francezit i cili nuk ka luajtur ende asnjë ndeshje zyrtare me bardhezinjtë pas rikthimit.

???? Allegri: "We have mini-goals to achieve. We are thirteenth in the championship and we have to catch up with the team in front of us. A step at a time."#JuveLazio
— JuventusFC ???????????????? (@juventusfcen) February 1, 2023

Rikthimi i ish-lojtarit të Manchester United, i cili nuk ka luajtur që nga prilli i vitit 2022, ishte planifikuar për të dielën ose këtë javë. Megjithatë, Allegri nuk ka avancuar në temën e pranisë ose jo të lojtarit të tij edhe gjatë udhëtimit në fushën e Salternitanës më 7 shkurt.

Të enjten e kaluar mesfushori francez mori pjesë në një ndeshje miqësore ndaj U 23 të Juventus Torinos. Ai kishte luajtur 50 minuta, duke përfituar nga kjo kohë loje për t'i dhënë një asist Dushan Vlahovic, një tjetër i rregullt në infermierinë e Piemontes.

B.T (Dosja.al)