Politike

Shkrimi në Bussiness Insider: McGonigal lidhi Nezën me Derispaskën, çfarë deklaroi Shestakov për FBI

Në materialin e Bussiness Insider zbulohet një informacion tejet interesant ku thuhet se një javë pasi prokurori i kërkoi gjykatës amerikane autorizim për hetim të McGonigal dhe takimeve me kryeministrin Edi Rama

30 Janar 2023, 13:35 Nga f.g
Shkrimi në Bussiness Insider: McGonigal lidhi Nezën me
Charles McGonigal dhe Agron Neza

Artikulli i "Bussiness Insider" i publikuar më 15 shtator 2022 ka zbërthyer fabulën e zyrtarit të arrestuar të FBI, Charles McGonigal dhe lidhjet e tij me Shqipërinë dhe kryeministrin Edi Rama. Në një dosje të ndarë, FBI ishte duke hetuar edhe lidhjet e tij me oligarkun rus, Oleg Derispaska. Në materialin e Bussiness Insider zbulohet një informacion tejet interesant ku thuhet se një javë pasi prokurori i kërkoi gjykatës amerikane autorizim për hetim të McGonigal dhe takimeve me kryeministrin Edi Rama, në FBI, emigranti soviet Sergey Shestakov, kishte deklaruar se McGonigal kishte lidhur Agron Nezën dhe kompaninë e tij "Spectrum" me kompaninë e Oleg Derispaska-s. 

Çfarë thuhet në shkrim? Thirrja, e lëshuar në nëntor, kërkon të dhëna në lidhje me McGonigal dhe një firmë konsulente në hije të quajtur Spectrum Risk Solutions. Një javë pas lëshimit të thirrjes, një emigrant me origjinë sovjetike i quajtur Sergey Shestakov tha në një dosje të veçantë se McGonigal e kishte ndihmuar atë të "lehtësonte" një hyrje midis Spectrum dhe ndihmësit të Deripaska. Në dosje thuhet gjithashtu se McGonigal ndihmoi në prezantimin e ndihmësit me Kobre & Kim, një firmë ligjore në Nju Jork që është e specializuar në përfaqësimin e klientëve që po hetohen me dyshimin për "mashtrim dhe sjellje të pahijshme". Shestakov, i cili është identifikuar në panelet televizive si një ish-zyrtar i ministrisë së jashtme sovjetike dhe ish-shefi i shtabit të ambasadorit sovjetik në Kombet e Bashkuara, raportoi se kishte marrë 33,000 dollarë për referimet.

Çfarë ndodhi me dosjen McGonigal në Shqipëri? Faqet e dosjes tregojnë shumë për zhvillimet politike të 5 viteve të fundit edhe në Shqipëri, ku protagonist është kryeministri Edi Rama dhe lufta e tij kundër opozitës. McGonigal ka zhvilluar takime të njëpasnjëshme me kryeministrin Edi Rama dhe dy persona që në dosje emërtohen si ‘Personi A’ dhe ‘Personi B’, që janë përkatësisht Agron Nezaj e Dorian Duçka, të dy të lidhur me qeverinë shqiptare. Nezaj del në dosje si njeriu që i jep 225 mijë dollarë McGonigal në mënyrë që të ndërhyjë në FBI që të nisë hetimin për personin që po lobonte në SHBA për PD-në, në vitin 2017 kur drejtohej nga Lulzim Basha. Supozohet që bëhet fjalë për Nicolas (Nick) Muzin. Ndërsa Duçka del si njeriu që e shoqëron kudo ish-agjentin, paguan fluturimet e akomodimet e tij, si dhe i përcjell informacionet e nevojshme që do t’i shërbenin në nisjen e hetimit nga FBI. Rama mohon të ketë lidhje me akuzat e ngritura nga McGonigal./Dosja.al

sergey shestakov edi rama agron neza

Sondazh

Poll

MË SHUMË