Bota

Plagosi nënë e bijë në Fushë Kosovë dhe vdiq, burri u përplas me armë zjarri me efektivët, policia: Qëlloi veten

Efektivët i janë kundërpërgjigjur dhe është zhvilluar një përplasje me armë zjarri, por Ahmeti thotë se plagët që kishte ia kishte shkaktuar vetë vetes. 

28 Janar 2023, 20:05 Nga F.M
Plagosi nënë e bijë në Fushë Kosovë dhe vdiq,
Fushë Kosovë

KOSOVË- Zëdhënësja e Policisë së Kosovës për rajonin e Prishtinës, Florie Ahmeti deklaroi se ka baza të forta dyshimi se personi që kplagosi nënë e bijë, është vetëplagosur. Ahmeti tha për Telegraf se në momentin që janë njoftuar për plagosjen, kanë rrethuar zonën për të arrestuar autorin, por ai nuk është dorëzuar dhe ka nisur të qëllojë mbi policinë. Efektivët i janë kundërpërgjigjur dhe është zhvilluar një përplasje me armë zjarri, por Ahmeti thotë se plagët që kishte ia kishte shkaktuar vetë vetes. 

“Aktualisht përkundër që ka baza të forta dyshimi për vetëplagosje, policia bashkërisht me autoritetet e tjera relevante ligj zbatuese po heton me përpikëri të gjitha rrethanat që karakterizojnë rastin. Ndërkohë që po vazhdon ndërmarrja e veprimeve hetimore e ekzaminuese, i dyshuari është dërguar në QKUK për trajtimin e nevojshëm mjekësor, nga ku rreth orës 18:45 kemi pranuar informatën se personi ka ndërruar jetë. Mbështetur në informacionet e pranuara në rrugë operative, policia ka lokalizuar vendndodhjen e të dyshuarit dhe menjëherë ka orientuar veprimet e saja taktike-operative në drejtim të arrestimit të të dyshuarit. Për rrjedhojë, i dyshuari i armatosur, në përpjekje për t’iu shmangur arrestit policor në rrugën “Fehmi Lladrovci” në Fushë Kosovë, ka shtënë me armë zjarri në drejtim të policisë duke rrezikuar drejtpërsëdrejti jetën e policëve si dhe qytetarëve përreth, dhe me këtë rast ka bërë të domosdoshëm dhe të pashmangshëm ndërmarrjen e të gjitha veprimeve policore në përputhje me autorizimet tyre. Ndërkaq që sulmi ndaj policisë është neutralizuar i dyshuari në përpjekje e sipër për t’iu shmangur arrestit policor, në rrethana që aktualisht po trajtohen ka marrë plagë nga shkrepja e armës së zjarrit”. 

flora ahmeti plagosen nene e bije ne kosove

Sondazh

Poll