Sport

Diego Simeone eliminimin e Atleticos nga Kupa e Mbretit, ia faturon gjyqtarit...

“Kam vetëm një gjë në mendje dhe ajo është të punoj me entuziazëm, duke dhënë maksimumin që nga dita kur erdha deri në momentin e largimit. Do të përpiqem të bëj më të mirën deri sa të vijë ajo ditë”.

27 Janar 2023, 10:22 Nga DOSJA

Diego Simeone eliminimin e Atleticos nga Kupa e Mbretit, ia faturon gjyqtarit...

SPANJE - Pas përfundimit të derbit të Madridit, me humbjen e ‘bardhekuqve’ (1-3) dhe me pasojë eliminimin, në çerekfinalen e Kupës së Mbretit, trajneri argjentinas i Atlético Madridi, Diego Pablo Simeone, fajësoi gjyqtarin për rezultatin përfundimtar të sfidës.

Duke folur pas ndeshjes, trajneri 52-vjeçar lavdëroi skuadrën e tij për paraqitjen e mirë duke thënë: “Pashë një ekip që konkurronte jashtëzakonisht mirë, por kishte detaje që mund të jenë pro ose kundër dhe që kushtëzojnë gjithçka, por askujt nuk i intereson. Është një realitet”.

Për diferencën në cilësi mes pjesës së parë dhe të dytë, argjentinasi komentoi, pa harruar të përmendë edhe arbitrimin: “Real Madrid filloi të luante. Është një ekip që luan mirë dhe ndërton aksione të rrezikshme. U mbrojtëm shumë mirë deri në golin e Rodrygos. Së pari, megjithatë, ka një lëvizje vendimtare, e cila është e Ceballos, një faull që mund të kishte rezultuar në kartonin e dytë të verdhë për lojtarin e Real Madridit. Kjo kaloi pa u vënë re dhe askujt nuk i intereson. Ai (Dani Ceballos) mund të na kishte lërë njëmbëdhjetë kundër dhjetë, me 0-1 dhe, e përsëris, askujt nuk i interesonte kjo. Këto janë detaje kyçe. Pas kësaj, Savic u përjashtua në kohën shtesë, por ne ende donim të barazojmë rezultatin. Ne dhamë gjithçka dhe kjo na bën të qetë. Më mbush me krenari që luftuam kaq mirë. Natyrisht, ne donim të fitonim dhe tani kemi vetëm ligën.”,- theksoi tutje Simeone.

Diego Simeone eliminimin e Atleticos nga Kupa e Mbretit, ia faturon gjyqtarit...

Për arbitrin, trajneri argjentinas tha: “Unë do t'ju them (duke iu drejtuar gazetarit) atë që i thashë arbitrit. E pyeta nëse kishte ndonjë problem personal me Moratan, sepse ai nuk akordonte faullet ndaj tij. Është e vërtetë që ndonjëherë Morata e tepron në disa raste, por nuk ka akorduar asnjë”.

Përsa i përket vazhdimit të sezonit, argjentinasi u tregua i prerë: “Kam vetëm një gjë në mendje dhe ajo është të punoj me entuziazëm, duke dhënë maksimumin që nga dita kur erdha deri në momentin e largimit. Do të përpiqem të bëj më të mirën deri sa të vijë ajo ditë”.

Koha për t'i thënë lamtumirë Atlético Madridit, megjithatë, nuk u zbulua nga Simeone: "Në një moment do të vijë",- u mjaftua duke thenë Simeone.

B.T (Dosja.al)

Sondazh

Poll

MË SHUMË