Aktualitet

Situata në Bulqizë, probleme në disa rrugë për shkak të ngricave 

Reshjet e dëborës janë shoqëruar me ngrica në rrugët nacionale dhe ato rurale duke vështirësuar qarkullimin e automjeteve.

27 Janar 2023, 09:38 Nga A.B
Situata në Bulqizë, probleme në disa rrugë për shkak
Moti

BULQIZË- Uljet e temperaturave në minus 5 gradë janë shoqëruar me reshje bore gjatë natës dhe ditës së sotme. Reshjet e dëborës janë shoqëruar me ngrica në rrugët nacionale dhe ato rurale duke vështirësuar qarkullimin e automjeteve.

Ndërkohë në aksin rrugor Bulqizë-Peshkopi dhe Bulqizë në drejtim të Tiranës ka vijuar kriposja e rrugës nga ana e firmës kontraktore. Vështirësi në qarkullim ka edhe në rrugën e Arbrit në Bypass-in në Qaf Murriz. Vështirësi në qarkullim ka edhe rrugët e minierave ku transportohen minatorët e  Zonës D të Bulqizës si dhe tek minierat e Martaneshit dhe Tërnovës ku kalimi bëhet me zinxhirë.

Vështirësi në qarkullim për shkak të ngricave  ka edhe në rrugët ruale të njësive administrative në Ostren, Trebisht, Martanesh si dhe rrugët e disa  fshatrave të njësive  të Zerqanit  dhe Fushë Bulqizë.

Aktualisht trashësia e dëborës në qytet është 3 cm, ndësa në njësitë administrative Ostren,Trebisht, Martanesh Zeqan, Fushë Bulqizë trashësia e dëborës vijon nga 5 centimetra  deri në 25 centimetra në zonat e thella.

permbytet shqiperia 2023 bulqize

Sondazh

Poll

MË SHUMË