Politike

“E mora vesh nga mediat”, Shkëlzen Berisha thirret në SPAK, kreu i PD: Është bërë për të larguar vëmendjen nga superskandali ‘Rama-McGonigal’

Flet pas marrjes në pyetje të Shkëlzen Berishës.

26 Janar 2023, 21:23 Nga F.M

 

“E mora vesh nga mediat”, Shkëlzen Berisha thirret në
Sali Berisha

 

TIRANË- Kreu i Partisë Demokratike, Sali Berisha komentoi thirrjen e djalit të tij, Shkëlzen Berisha në SPAK, për çështjen e Gërdecit. I ftuar këtë mbrëmje në emisionin “Open”, Berisha tha se lajmin që Shkëlzen Berisha ishte thirrur sot në SPAK, e ka mësuar nga mediat. Berisha tha se thirrja e djalit të tij sot, është bërë për të larguar vëmendjen nga ajo që ai e quan “superskandali Rama-McGoigal”, referuar dosjes së ish-agjentit të FBI-së. 

“Të jem i sinqertë, e kam marrë vesh nga mediat që djali im është thirrur në Prokurori. Këtë nuk më kishte thënë që sot ishte i thirrur në SPAK. Problemi është i tillë, ekziston një faks, që origjinali nuk është gjetur kurrë, i dërguar nga MD në MB, ku shkruhet se kjo t’i jepet Shkëlzenit, jo Shkëlzen Berishës, por Shkëlzenit. Kjo është servirur si shkrim i Aldo Bumçit, dhe kjo ka ndodhur një javë pasi MD kishte dërguar shkresën zyrtare për problemin, siç është ligji. Tani, çfarë ishte kjo?! Kjo ishte sikur nga MD i drejtohej djalit tim në MB, me të cilën ai nuk kishte asnjë lidhje. Bumçi s’e kishte shkruajtur kurrë këtë shënim. Ai mori dhe e paditi në prokurori si falsifikim të shkrimit të tij. Padi që prokuroria nuk u mor kurrë. Aldo Bumçi e mohon dhe ka hapur padi për këtë faks, në të cilin i falsifikohet firma. Prokuroria në vend që të hetojë, nuk ka hetuar deri sot dhe thërret Shkëlzenin pas 15 vitesh. Duhet hetuar, por hetimi i parë është për ish0ministrin që deklaron se më kanë falsifikuar shkrimin. Kjo nuk është bërë sepse nuk u interesonte sepse del që është falsifikim. I gjithë problemi është një person x bën një faks. Sekretarja ka bërë dëshminë e saj në gjykatë. Nëse sekretarja shprehet në emër të ministrit, dhe është në skemë manipulimi, por unë nuk e akuzoj dot, sepse ajo thotë që nuk e ka bërë këtë. Është thjeshtë një thirrje që i kanë bërë për të mundur superskandalin e Rama-McGonigal. E gjitha kaq! Ai është SKAP i partisë, por prokuroria duhet të thërrasë cilindo që i duhet. Kjo është thirrje politike e mirëfilltë. Edhe nëse e do kush e ka falsifikuar nuk do ta thoja, sepse është çështje kriminalistë, i përket laboratorit të kriminalistikës,"- tha Berisha. 

sali berisha shkelzen berisha

Sondazh

Poll

MË SHUMË