Sport

Menaxheri Rudi Völler nis revolucionin te kombëtarja e Gjermanisë! Drejtori sportiv i DFB: A do të jetë një tjetër kampion bote?

Profili i një drejtori sportiv të ardhshëm tashmë po merr konturet e qarta prapaskenave. 62-vjeçari Völler tashmë është shprehur publikisht, se duhet të jetë “më i ri” se ai. Megjithatë, ai gjithashtu duhet të ketë përvojë praktike në një nivel të lartë.

23 Janar 2023, 17:29 Nga DOSJA

Menaxheri Rudi Völler nis revolucionin te kombëtarja e

GJERMANI - Me vendosjen e Rudi Völlerit si drejtor i ekipit kombëtar, fillimisht u zgjidh vetëm një pjesë e trashëgimisë së Oliver Bierhoff. Tashmë kërkimi është fokusuar te një drejtor sportiv, i cili ndër të tjera, do të jetë përgjegjës për akademinë dhe stërvitjen e të rinjve.

Për të mos e ekzagjeruar rëndësinë e të dhënave të tij personale, Rudi Völler e mbrojti qartë këtë pozicion në prezantimin e tij në fund të javës së kaluar. Detyrat aktuale në lidhje me kombëtaren, të cilën Völler do ta menaxhojë në Gjermani deri në fund të EURO 2024, mund të zgjidhen. Pra, pyetja është shumë më e rëndësishme: “Çfarë do të ndodhë pas gjashtë, tetë apo dhjetë vitesh?”,- tha ish-sulmuesi i klasit botëror dhe shefi i ekipit të DFB-së. Shumë njerëz aktualisht ndajnë këtë shqetësim në lidhje me perspektivat, duke përfshirë vendimmarrësit në DFB, e cila për rrjedhojë i jep peshë të veçantë kërkimit të një personi me përgjegjësinë kryesore për trajnimin e të rinjve, që tashmë është në fokus.

Profili i një drejtori sportiv të ardhshëm tashmë po merr konturet e qarta prapaskenave.  62-vjeçari Völler tashmë është shprehur publikisht, se duhet të jetë “më i ri” se ai.  Megjithatë, ai gjithashtu duhet të ketë përvojë praktike në një nivel të lartë. Dmth të jetë i përshtatshëm edhe si një lidhje ndërmjet ekipit kombëtar, akademisë dhe klubeve profesionale.

Menaxheri Rudi Völler nis revolucionin te kombëtarja e
Per Mertesacker (majtas) dhe Sami Khedira, kandidatë për drejtor sportiv të DFB

Fokusi i këtyre kërkesave është te tre kampionët e botës nga viti 2014, si kandidatë të mundshëm: Per Mertesacker (38), i cili ka qenë kreu i akademisë në Arsenal FC që nga vjeshta 2018. Sami Khedira (35), i cili ka dy persona referues me ndikim si Alexander Wehrle (kreu i Bordit Mbikëqyrës të DFB GmbH & Co. KG) dhe Sammer.

Ai e formoi dhe promovoi lojtarin e atëhershëm të U-21 dhe të kombëtares Khedira gjatë kohës së tij si drejtor sportiv i DFB dhe i kushtoi vëmendje të veçantë profesionistit të mëvonshëm të Real Madridit si një "personalitet kryesor". Benedikt Höwedes (34), është kandidatura e tretë ,i cili është pjesë e menaxhimit të ekipit kombëtar që nga viti 2021. Ngjashëm me Völler kohët e fundit, kërkohet një vendim i shpejtë. Nëse është e mundur nga takimi i ardhshëm i grupit të punës pas rreth katër javësh, ku me gjasa do të mësojmë edhe emrin e drejtorit të ri sportiv të Gjermanisë.

B.T (Dosja.al)

Sondazh

Poll

MË SHUMË