Aktualitet

Atentati ndaj Prokurorit Ndoj/ Autorët po planifikonin rikthimin në Shqipëri, urdhër arrestet u firmosën muaj më parë

Por më pas Prokuroria e Posaçme, duke vlerësuar se kishte kaluar një kohë e gjatë dhe mund të kishte ngjarje të tjera kriminale, prokuroria ka vendosur që të bëjë publik aksionin dhe të arrestojë 5 personat që sot dolën për masë sigurie.

21 Janar 2023, 14:37 Nga I.A
Atentati ndaj Prokurorit Ndoj/ Autorët po planifikonin rikthimin në
Arjan Ndoj

TIRANË- Detaje të reja kanë dalë në lidhje me të akuzuarit si organizator të atentatit ndaj ish-prokurorit Arjan Ndoj. Balkanweb shkruan se sipas saj urdhrat e arrestit për këta persona janë firmosur në muajin nëntor dhe dhjetor të vitit 2022 dhe janë mbajtur sekret, pasi prokurorët  sipas informacioneve që kishin rezultonte se eksponentët e kësaj ngjarjeje që janë shpallur në kërkim ishin duke diskutuar për t’u kthyer në Shqipëri.

Përmes përgjimeve të cilat kanë nisur që në vitin 2020, SPAK mundi të zbulonte planin e personave të përfshirë dhe pjesë e dosjes janë disa episode bisedash që tregojnë të arrestuarit dhe të shpallurit në kërkim duke planifikuar një tjetër atentat, pas atij të 1 nëntorit 2019.

Por më pas Prokuroria e Posaçme, duke vlerësuar se kishte kaluar një kohë e gjatë dhe mund të kishte ngjarje të tjera kriminale, prokuroria ka vendosur që të bëjë publik aksionin dhe të arrestojë 5 personat që sot dolën për masë sigurie. Po ashtu thuhet se Ramazan Rraja, pas atentatit, është ndaluar në aeroportin e Zvicrës dhe pasi është marrë disa orë në pyetje, është lënë i lirë, ndërsa tashmë është shpallur sërish në kërkim.

Të arrestuarit janë:

Genti Ndërjaku alias Kili Ndërjaku

Marsel Deçka

Endrit Sinani

Julian Pjetri

Bashkim Haxhija

Të shpallur në kërkim: Plarent Dervishaj, Ramazan Rraja, A.SH (Badi), Julian Meçe. 

Por pse akuzohen? SPAK i kërkon 4 të arrestuarit se janë në krye të komplotit për vrasjen e Arjan Ndojës dhe "Rrumit" të Shijakut, ose siç njihet ndryshe Aleksandër Laho. Plarent Dervishaj ndodhet në Dubai, i cili u arrestua për vrasjen e Vajdin Lames në 2005, falë dëshmisë së Luftar Reçit por rifitoi lirinë pasi mes dy vendeve nuk ka marrëveshje ekstradimi. Hasmëria e tij ka nisur pas atentatit të 2019, ku Dervishajt iu bë pritë.

Grupi u zbulua nga dëshmia e Nuredin Dumanit por edhe dy të penduarve të tjerë të drejtësisë. Si ndodhi atentati ndaj Ndojës? Më 1 nëntor  2019 një atentat me breshëri automatiku iu bë ndaj ish- prokurorit Arjan Ndoj pranë mbikalimit të Shkozetit. Ditën e ngjarjes Prokurori Ndoja ishte në automjet me një person me precedentë penalë, të njohur si i "forti i Sukthit",  Aleksandër Laho (alias Pëllumb Muharremi). i njohur si 'Rrumi i Shijakut', dhe me Andi Malokun, ish-punonjës i policisë në komisariatin e Krujës, shofer i prokurorit, i cili mbeti i vdekur. Për ngjarjen janë duke u gjykuar në shkallën e parë edhe Redjan Rraja dhe Arjol Halilaj, të akuzuar si qitës në atentat./Dosja.al

arjan ndoj

Sondazh

Poll

MË SHUMË