Bota

Skandali i dokumenteve të klasifikuara në rezidencën private, reagon Joe Biden: Nuk jam penduar

Presidenti tha se po ndjek këshillat e avokatëve të tij.

20 Janar 2023, 13:56 Nga a.l
Skandali i dokumenteve të klasifikuara në rezidencën private,
Joe Biden

SHBA- Presidenti Biden deklaroi se nuk është penduar për mënyrën sesi ai dhe ekipi i tij e kanë trajtuar zbulimin e dokumenteve të klasifikuara nga koha e tij si zëvendëspresident gjatë administratës së Obamës.

"Unë mendoj se do të zbuloni se nuk ka asgjë atje. Nuk jam penduar," u tha Biden gazetarëve ndërsa vizitonte pjesët e shkatërruara nga stuhia të Kalifornisë.

Ky ishte komenti i tij i parë publik që kur Departamenti i Drejtësisë caktoi një avokat të posaçëm për të hetuar se si dokumentet përfunduan në rezidencën private të Biden dhe një ish zyrë. Presidenti tha se po ndjek këshillat e avokatëve të tij, shkruajnë mediat e huaja. 

"Ne gjetëm një pjesë të vogël të dokumenteve që ishin depozituar në vendin e gabuar. Ne ia dorëzuam ato menjëherë Arkivit [Kombëtar] dhe Departamentit të Drejtësisë. Ne jemi plotësisht duke bashkëpunuar dhe mezi presim që kjo të zgjidhet shpejt," tha Biden.

Si u gjetën dokumentet?

Një seri dokumentesh të klasifikuara u zbuluan nga avokatët e Biden në katër raste të ndara midis nëntorit 2022, pak përpara zgjedhjeve afatmesme, dhe fundjavës së kaluar. Grupi i parë i dokumenteve u gjet në fillim të nëntorit në ish-zyrën e Biden në Qendrën Penn Biden për Diplomaci dhe Angazhim Global në Uashington, DC, dhe një grup i dytë u gjet rreth një muaj e gjysmë më vonë në garazhin e Biden në shtëpinë e tij në Wilmington. Pasi u publikuan lajmet për dokumentet më 9 janar, avokatët e Biden kontrolluan edhe një herë shtëpinë e tij në Wilmington si dhe banesën e tij në Rehoboth Beach, duke gjetur më shumë dokumente në dy raste në Wilmington./ Dosja.al

joe biden

Sondazh

Poll

MË SHUMË