Politike

555 vjetori i vdekjes së Heroit Kombëtar Gjergj Kastriot Skënderbeu, Rama dhe Kushi: Çdo të hënë, mësimi do të nisë me Himnin e Flamurit

Ministrja e Arsimit Evis Kushi ka postuar një video të realizuar nga shkolla të ndryshme në 12 qarqet e vendit. 

17 Janar 2023, 10:23 Nga a.l
555 vjetori i vdekjes së Heroit Kombëtar Gjergj Kastriot
Gjergj Kastriot Skënderbeu

TIRANË- Sot bëhen 555 vjet nga vdekja e Heroit tonë Kombëtar, Gjergj Kastriot Skënderbeut. Ai vdiq më 17 janar 1468 në Lezhë. Të shumta kanë qenë reagimet nga ana e politikës shqiptare në lidhje me këtë ngjarje, ku nuk kanë munguar reagimet nga ana e Kryeministrit Edi Rama dhe Ministres së Arsimit dhe Sporteve Evis Kushi. Ishin këta ndër të parët që kujtuan këtë ngjarje historike. 

Ministrja e Arsimit Evis Kushi ka postuar një video të realizuar nga shkolla të ndryshme në 12 qarqet e vendit. 

“MIRËMËNGJESI dhe me Himnin e Flamurit që këndohet nga të gjithë nxënësit e shkollave sot, në ditën e 555-Vjetorit të vdekjes së Heroit tonë Kombëtar, Gjergj Kastrioti SKËNDERBEUT, si edhe me vendimin që kështu do të këndohet himni në çdo shkollë, në krye të çdo jave të re mësimore, ju uroj një ditë të mbarë”, shkruan Kushi.

Duke u nisur nga kjo ditë, kryeministri Edi Rama bën të ditur se duke nisur nga java e ardhshme, çdo të hënë në të gjitha shkollat e vendit, para nisjes së procesit mësimor do të këndohet Himni i Flamurit.

 

555 vjetori i vdekjes se skenderbeut

Sondazh

Poll

MË SHUMË