Bota

Agjencia suedeze e sigurisë ngre alarmin: Rusia po rrit aktivitetet kërcënuese

Kreu i SAPO-s, Charlotte von Essen tha se Rusia ishte "e paparashikueshme", por theksoi se mund të presin që aktivitetet ruse kërcënuese për sigurinë kundër Suedisë do të rriten.

17 Janar 2023, 09:15 Nga I.A
Agjencia suedeze e sigurisë ngre alarmin: Rusia po rrit aktivitetet
Ukraine

SUEDI- Agjencia suedeze e sigurisë së brendshme SAPO pret që Rusia të rrisë aktivitetet që kërcënojnë sigurinë suedeze në fusha duke përfshirë telekomi dhe rrjetin e energjisë. Kreu i SAPO-s, Charlotte von Essen tha se Rusia ishte "e paparashikueshme", por theksoi se mund të presin që aktivitetet ruse kërcënuese për sigurinë kundër Suedisë do të rriten.

Sektorët ku ka arsye për të qenë veçanërisht vigjilentë për të luftuar spiunazhin dhe sabotimin janë telekomunikacioni, furnizimi me energji elektrike dhe transporti i "materialit kritik". Ajo nuk shtjelloi se çfarë donte të thoshte me këtë të fundit.

"Nga pala ruse, ka një interes për të shqetësuar këto zona. Këta janë sektorë ku sulmet kundër Suedisë mund të shkaktojnë dëme edhe në pjesën tjetër të Evropës,"tha von Essen.

Von Essen shtoi se SAPO pret që Rusia të përdorë, në një masë më të madhe se më parë, platforma jozyrtare si diaspora ruse, institucionet dhe kompanitë në Suedi. Ajo paralajmëroi gjithashtu se SAPO po sheh një rritje të përhapjes së teorive konspirative dhe mesazheve antishtetërore, të cilat në afat të gjatë rrezikojnë të minojnë besimin në institucionet e shoqërisë, vendimmarrjen e politikanëve dhe legjitimitetin e shtetit.

"Si kërcënimi i vrasjes dhe kërcënimi ndaj kushtetutës sonë mund të lindin në ekstremizmin e gjerë. Ky është një zhvillim që luan në duart e fuqisë së huaj," tha von Essen.

Ajo nuk pranoi të thoshte nëse aktiviteti rus ishte rritur që kur Suedia dhe Finlanda aplikuan për t'u bashkuar me NATO-n pas pushtimit të Rusisë në Ukrainë, duke thyer me dekada të mos-angazhimit ushtarak.

sapo charlotte von essen lufta ukraine-rusi

Sondazh

Poll