Bota

LIgji për shtyrjen e moshës së pensionitm priten trazira në Francë, lajmërohet grevë shumëditore nga sindikatat, tubim edhe për naftën

Priten demonstrata mbarëkombëtare pas thirrjes së 8 sindikatave kryesore franceze të pagave kundër reformës së pensioneve të shpalosur të martën nga qeveria, e cila ngriti kufirin e moshës së pensionimit nga 62 në 64 vjeç.

12 Janar 2023, 19:16 Nga k.m.
LIgji për shtyrjen e moshës së pensionitm priten trazira në
Foto ilustruese

PARIS- Sindikata më e madhe në sektorin e naftës të Francës thirri një grevë shumë-ditore në janar dhe shkurt për të protestuar ndaj planit të reformës së pensioneve, duke rritur rrezikun e vështirësive të furnizimit me karburant, si ato që u panë në mobilizimin e grevës së mëparshme shtatorin e kaluar. 

GKT ka bërë thirrje për grevë në datat 19 dhe 26 janar, si dhe 6 shkurt. Protestat pritet të fillojnë me më 19 janar, në një grevë të parë që do zgjasë 24 orë. Priten demonstrata mbarëkombëtare pas thirrjes së 8 sindikatave kryesore franceze të pagave kundër reformës së pensioneve të shpalosur të martën nga qeveria, e cila ngriti kufirin e moshës së pensionimit nga 62 në 64 vjeç.

Për 26 janar, CGT e sektorit të naftës bën thirrje për një grevë 48-orëshe dhe një grevë 72-orëshe më 6 shkurt.

Një mobilizim i madh gati njëmujor nga CGT më 27 shtator 2022 me mbylljen e rafinerive dhe bllokimin e magazinës kishte shkaktuar vështirësi të konsiderueshme në furnizimin me karburant në Francë. Grevistët më pas kërkuan rritje të pagave për të përballuar inflacionin.

"Ka të drejtë për grevë, ka të drejtë për të demonstruar, por është gjithashtu e rëndësishme të mos ndëshkohen francezët,"- u përgjigj kryeministrja Elizabeth Bourne.

Në mandatin e mëparshëm të presidentit Emmanuel Macron, një plan i ngjashëm i reformës së pensioneve kishte paralizuar transportin publik për javë të tëra në fund të 2019 dhe në fillim të 2020. Plani më pas u tërhoq, për shkak të pandemisë së koronavirusit, duke shtuar këtu edhe kundërshtimin e sindikatave.

france proteste

Sondazh

Poll

MË SHUMË