Aktualitet

Vodhi 4 automjete në Elbasan dhe Përrenjas, arrestohet 35- vjeçari në Pogradec (EMRI)

Isufi pritet të përballet me akuzën për veprën penale 'Vjedhja' e kryer më shumë se një herë. 

12 Janar 2023, 13:26 Nga a.l
Vodhi 4 automjete në Elbasan dhe Përrenjas, arrestohet 35-
policia

POGRADEC- Ardian Isufi, 35- vjeç është arrestuar nga policia në Pogradec pasi akuzohet për vjedhjen e 4 automjeteve në Elbasan dhe Përrenjas. Isufi pritet të përballet me akuzën për veprën penale 'Vjedhja' e kryer më shumë se një herë. 

NJOFTIMI I POLICISË: 

Vodhi 4 automjete, në Pogradec, Elbasan dhe Prrenjas, kapet dhe vihet në pranga autori i dyshuar.

Specialistët për Hetimin e Krimeve të Komisariatit të Policisë Pogradec, në vijim të punës për zbardhjen dhe dokumentimin e ngjarjes së ndodhur më datë 09.01.2023, në lagjen nr. 3, Pogradec, ku u vodh një automjet tip “Toyota”, organizuan veprimet dhe falë koordinimit dhe shkëmbimit të informacioneve me strukturat e Drejtorisë Vendore të Policisë Elbasan, finalizuan me sukses operacionin policor të koduar “Stafeta”. Si rezultat i këtij operacioni u bë kapja dhe ndalimi i shtetasit:

– Ardian Isufi, 35 vjeç, banues në Pogradec.

Nga hetimet e kryera ka rezultuar se ky shtetas është autor i dyshuar i vjedhjes së automjetit tip “Toyota”.

Gjithashtu, nga veprimet hetimore dyshohet se ky shtetas, gjatë kësaj jave, ka vjedhur edhe 3 automjete të tjera, në Përrenjas dhe në Elbasan, konkretisht një automjet tip “Nissan”, një kamionçinë tip “Benz” dhe një motoçikletë tip “Yinxiang”, të cilat u gjetën dhe u sekuestruan në cilësinë e provës materiale.

Materialet i kaluan Prokurorisë pranë Gjykatës së Shkallës së Parë Pogradec, për veprën penale “Vjedhja”, e kryer më shumë se një herë.

arrestime ne pogradec

Sondazh

Poll

MË SHUMË