Aktualitet

Po transportonte 8 emigrantë të paligjshëm, vihet në pranga 33-vjeçari në Tepelenë (VIDEO)

Rrapaj u kap në flagrancë nga shërbimet e Policisë, në hyrje të qytetit të Tepelenës.

12 Janar 2023, 08:42 Nga A.B
Po transportonte 8 emigrantë të paligjshëm, vihet në pranga
Arrestimi

TEPELENË- Besmir Rrapaj është vënë në pranga nga policia pasi është kapur duke transportuar emigrantë të paligjshëm. Operacioni policor i koduar "Road Guard 54", vuri në pranga 33-vjeçarin i cili u kap flagrancë duke transportuar, kundrejt fitimit, 8 emigrantë, me qëllim kalimin e paligjshëm të kufirit.

Rrapaj u kap në flagrancë nga shërbimet e Policisë, në hyrje të qytetit të Tepelenës, në vendin e quajtur “Agjencia", duke transportuar me automjetin tip "Seat", në drejtim të Tiranës, 8 emigrantë nga vendet MENA, kundrejt shumës 250 euro për person.

NJOFTIMI I POLICISË:

Finalizohet brenda 24 orëve, operacioni i dytë për goditjen e veprimtarisë kriminale në fushën e dhënies ndihmë për kalim të paligjshëm të kufijve. Operacioni policor i koduar "Road Guard 54" u zhvillua nga strukturat e DVP Gjirokastër dhe Komisariati i Policisë Tepelenë. U kap në flagrancë duke transportuar, kundrejt fitimit, 8 emigrantë, me qëllim kalimin e paligjshëm të kufirit, vihet në pranga 33-vjeçari. Sekuestrohen automjeti me të cilin transportoheshin emigrantët dhe 1 aparat celular.

Specialistët e Seksionit për Hetimin e Trafiqeve të Paligjshme, në bashkëpunim me Seksionin Operacional, Komisariatin e Policisë Tepelenë dhe Forcën e Posaçme "Shqiponja", në vijim të punës për goditjen e aktivitetit kriminal të dhënies ndihmë shtetasve të huaj, kundrejt fitimit, për kalim të paligjshëm të kufirit, mbështetur dhe në inteligjencën informative, kanë organizuar dhe finalizuar operacionin policor të koduar "Road Guard 54", si rezultat i të cilit u bë arrestimi në flagrancë i shtetasit:

- B. Rr., 33 vjeç, banues në Vlorë.

Ky shtetas u kap në flagrancë nga shërbimet e Policisë, në hyrje të qytetit të Tepelenës, në vendin e quajtur “Agjencia", duke transportuar me automjetin tip "Seat", në drejtim të Tiranës, 8 emigrantë nga vendet MENA, kundrejt shumës 250 euro për person.

Në cilësinë e provës materiale u sekuestruan automjeti dhe një aparat celular. Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.

besmir rrapaj

Sondazh

Poll

MË SHUMË