Aktualitet

Betohet para Presidentit gjyqtarja e Gjykatës Kushtetuese Marjana Semini  

Begaj i uroi suksese Semini në detyrën e re të anëtares së Gjykatës Kushtetuese. 

9 Janar 2023, 13:51 Nga A.B
Betohet para Presidentit gjyqtarja e Gjykatës Kushtetuese Marjana
Marjana Semini dhe Bajram Begaj

TIRANË- Në Institucionin e Presidentit të Republikës u zhvillua sot ceremonia e betimit para Presidentit të Republikës, Bajram Begaj të anëtares së Gjykatës Kushtetuese, Marjana Semini. 

Pas ekzekutimit të himnit kombëtar dhe leximit të vendimit përkatës të emërimit të saj, Gjyqtarja Semini me dorën mbi Kushtetutën e Shqipërisë u betua para Presidentit të Republikës se: “Betohem se gjatë kryerjes së detyrave të mia do t’i qëndroj kurdoherë besnike Kushtetutës së Republikës të Shqipërisë”. 

Begaj i uroi suksese Semini në detyrën e re të anëtares së Gjykatës Kushtetuese. 

Në ceremoninë solemne të betimit ishin të pranishëm Kryetarja e Gjykatës Kushtetuese, Vitore Tusha, kryetarja e Komisionit të Ligjeve në Kuvendin e Shqipërisë, Klotilda Ferhati Bushka, përfaqësues të Delegacionit të BE-së si dhe OPDAT si dhe anëtarë të Kabinetit të Presidentit të Republikës.

Marjana Semini ka plotësuar një prej vakancave që ishin krijuar dhe institucioni i emërtesës ishte Kuvendi i Shqipërisë. Edhe pse ajo nuk arriti të merrte 84 vota ajo u emërua anëtarë e Kushtetueses për shkak se ishte e radhitura e para nga 3 kandidatët në listën e Këshillit të Emërimeve në Drejtësi. Semini mori 58 vota nga mzhoranca, kundrejt 14 për Ardian Dvoranin dhe 2 për Arta Vorpsin. Gjykata e Lartë ka njoftuar se mbledhjen e Posaçme për zëvendësimin e Vitore Tushës do ta zhvilloje të hënën e 16 janarit ora 9:30.

marjana semini bajram begaj

Sondazh

Poll