Aktualitet

Tritoli në Shkodër, Policia: U dëmtua mjeti “Volkswagen”, kemi prova për identifikimin e autorëve

Grupi i posaçëm hetimor i ngritur për zbardhjen e kësaj ngjarjeje, nga veprimet e para hetimore, ka siguruar prova që do të çojnë në identifikimin dhe kapjen e autorit/ëve.

30 Dhjetor 2022, 10:57 Nga A.B
Tritoli në Shkodër, Policia: U dëmtua mjeti
Policia

SHKODËR- Policia ka dhënë informacion për shpërthimin me tritol në banesën e punonjësit të Patrullës së Përgjithshme të Komisariatit të Policisë Shkodër, Valter Serra. Sipas njoftimit, disa persona kanë hedhur një sasi lënde plasëse rreth orës 02:00, në oborrin e banesës së Serrës, e cila ndodhet në fshatin Bardhaj.

Si pasojë është dëmtuar automjeti tip “Volkswagen” në pronësi të Serrës dhe janë shkaktuar dëmtime të lehta në banesën e tij. Grupi hetimor, nën drejtimin e Prokurorisë pranë Gjykatës së Rrethit Gjyqësor Shkodër, vijon punën për zbardhjen e rrethanave të kësaj ngjarjeje. Grupi i posaçëm hetimor i ngritur për zbardhjen e kësaj ngjarjeje, nga veprimet e para hetimore, ka siguruar prova që do të çojnë në identifikimin dhe kapjen e autorit/ëve.

NJOFTIMI I POLICISË:

Më datë 30.12.2022, rreth orës 02:00, në fshatin Bardhaj, ka shpërthyer një sasi lënde plasëse, para banesës së shtetasit V. S., me detyrë punonjës i Patrullës së Përgjithshme të Komisariatit të Policisë Shkodër. Si pasojë është dëmtuar automjeti tip “Volksëagen” në pronësi të këtij shtetasi dhe janë shkaktuar dëmtime të lehta në banesën e tij. Grupi hetimor, nën drejtimin e Prokurorisë pranë Gjykatës së Rrethit Gjyqësor Shkodër, vijon punën për zbardhjen e rrethanave të kësaj ngjarjeje. Grupi i posaçëm hetimor i ngritur për zbardhjen e kësaj ngjarjeje, nga veprimet e para hetimore, ka siguruar prova që do të çojnë në identifikimin dhe kapjen e autorit/ëve.

tritol baneses se policit ne shkoder valter serra

Sondazh

Poll

MË SHUMË