Aktualitet

Tjetërsim i pronave në Lagunën e Kune-Vain, detyrim paraqitje për 3 zyrtarët e ADZM në Lezhë

Vendimi është dhënë nga gjyqtari Artan Hajredinaj, i cili pranoi kërkesën e palës mbrojtëse për një masë më të butë ndaj tre zyrtareve të vënë nën akuzë, me argumentin se nuk përbëjnë rrezik largimi dhe prishje të provave. 

30 Dhjetor 2022, 09:07 Nga A.B
Tjetërsim i pronave në Lagunën e Kune-Vain, detyrim paraqitje
Lugina

LEZHË- Drejtori i Administrimit të Zonave të Mbrojtura, Pjetër Toni dhe 2 vartësit e tij të arrestuar në muajin qershor me akuzën e “Shpërdorimit të Detyrës” do të hetohen në gjendje të lirë.

Gjykata e Lezhës ndryshoi masën e sigurisë nga “arrest shtëpie” në detyrim paraqitje, për drejorin e ADZM Pjetër Toni, si dhe liroi nga qelia dy punonjësit e këtij institucioni Armando Lleshaj, 27 vjeç specialist monitorimi dhe Tom Gjelaj, 63 vjeç, roje mjedisore, duke vendosur ndaj tyre masën detyrim paraqitje.

Vendimi është dhënë nga gjyqtari Artan Hajredinaj, i cili pranoi kërkesën e palës mbrojtëse për një masë më të butë ndaj tre zyrtareve të vënë nën akuzë, me argumentin se nuk përbëjnë rrezik largimi dhe prishje të provave. 

Ndalimi i këtyre personave erdhi pas një hetimi disa mujor nga policia dhe prokuroria, për hedhjen e inerteve në mënyrë të paligjshme dhe tjetërsimin e pronave në zonën e mbrojtur të lagunës së Kune Vainit.

pjeter toni tjetersimi i pronave ne lezhe armando lleshaj tom gjelaj

Sondazh

Poll

MË SHUMË