Bota

Heqja e barrikadave/ Haradinaj: Situata u zgjidh falë SHBA-së dhe BE-së, partneriteti me to nuk ka alternativë

Haradinaj shkruan se kjo çështje u zgjidh falë Amerikës dhe BE-së dhe se kjo ishte dëshmi se s’ka alternativë tjetër përpos partneritetit me këto dy fuqi.

29 Dhjetor 2022, 13:48 Nga a.l

Heqja e barrikadave/ Haradinaj: Situata u zgjidh falë SHBA-së dhe

Ramush Haradinaj

KOSOVË- Kreu i AAK-së, Ramush Haradinaj, ka reaguar për vendimin e heqjes së barrikadave. Përmes një postimi në rrjete sociale, Haradinaj shkruan se kjo çështje u zgjidh falë Amerikës dhe BE-së duke dëshmuar se s’ka alternativë tjetër përpos partneritetit me këto dy fuqi.

“Deklarata e përbashkët SHBA-BE, si përcaktim që problemet e hapura me Serbinë të zgjidhen me mjete politike, është udhërrëfyes që duhet ndjekur edhe ne si Kosovë. Falë Amerikës dhe BE-së, edhe një herë u gjet zgjidhja për një situatë shpërthyese në veri të vendit. Si gjithmonë edhe këtë herë u dëshmua se partneriteti me ShBA dhe BE nuk ka alternativë”.

Pika kufitare Merdare dhe lagja e Boshnjakëve është liruar nga barrikadat. Sakaq, rruga në Rudarë të verit të Kosovës vijon të jetë e bllokuar nga barrikada me kamionët dhe mjetet e artilerisë së rëndë. Kjo rrugë të çon në pikën kufitare Kosovë-Serbi. Edhe pse presidenti serb më herët paralajmëroi se bllokimet në pikat kufitare të veriut do të hiqen, prej mëngjesit të sotëm vetëm pika kufitare 'Merdare' dhe lagja e Boshnjakëve është liruar, ndërsa rrugët e tjera vijojnë të jenë të bllokuara. Përtej barrikadës së Rudarës serbët edhe pse në numër të vogël vazhdojnë të qëndrojnë në rrugë.

tensione në veri të kosovës ramush haradinaj