Aktualitet

Akuzohet për vrasjen e Gentian dhe Nezir Beqirit, shtyhet seanca gjyqësore në GJKKO për Ardian Çapjan, mungoi avokati mbrojtës

Shkak për shtyrjen e seancës është bërë mungesa e njërit prej avokatëve mbrojtës së Çapjas.

28 Dhjetor 2022, 12:26 Nga k.m.
Akuzohet për vrasjen e Gentian dhe Nezir Beqirit, shtyhet seanca
Ardian Çapja

TIRANË- Shtyhet seanca e radhës për Ardian Çapjan dhe të pandehurit e tjerë në Gjykatën e Posaçme kundër Korrupsionit dhe Krimit të Organizuar. Shkak për shtyrjen e seancës është bërë mungesa e njërit prej avokatëve mbrojtës së Çapjas. Seanca e radhës do të mbahet më 18 janar të vitit 2023, në orën 12.00. 

Ndaj Çapjas dhe të arrestuarve të tjerë rëndon akuza për vrasjen e Gentian dhe Nezir Beqirit në 2012-tën. Në shtator të vitit 2021, GJKKO dërgoi për gjykim dosjen e Ardian Çapjas dhe 3 të pandehurve të tjerë të cilët akuzohen për vrasjen e Gentian Beqirit dhe babait të tij Nezir Beqiri në vitin 2012. 

Për çfarë akuzohet Çapja?

Ardian Çapja, një emër i njohur në qytetin e Elbasanit për shkak të tre atentateve të cilave u ka shpëtuar dhe ngjarjeve ku është përfshirë, akuzohet se ka marrë pjesë në ekzekutimin e Gentian dhe Nezir Beqirit (babë e bir), ngjarje e ndodhur në vitin 2012. Gjatë prangosjes së tij u sekuestrua edhe një kallashnikov, pesë radio dhe uniforma policie. Për të njëjtin krim është shpallur në kërkim edhe Florenc Çapja, nipi i Ardianit. Në momentin që forcat RENEA kanë shkuar në shtëpina e Ardian Çapjas për ta arrestuar atë, brenda kanë gjetur edhe një person tjetër të shpallur në kërkim, Ardi Çekani. Emri i Çapjas doli nga dëshmia e të penduarit Ervis Bardhi.

ardian capja

Sondazh

Poll

MË SHUMË