Aktualitet

“Puthi këmbët e thuaj të hënksha…”/ Policia identifikon 22-vjeçarin nga Durrësi dhe e arreston, shoqërohen në polici dy vajzat e mitura

Videoja e bërë virale tregonte 22-vjeçarin që kërcënonte dhe gjuante me shuplaka një vajzë 17-vjeçare. Kësaj të fundit ai i jep urdhër t’i puthë këmbët vajzës tjetër që ka të njëjtën moshë me të miturën.

25 Dhjetor 2022, 16:48 Nga F.M
“Puthi këmbët e thuaj të hënksha…”/
Thika e sekuestruar

DURRËS- A. D., 22 vjeç, banues në lagjen nr. 6, Durrës, është vënë në pranga nga Policia e Durrësit pasi u shfaq në një video që u bë virale teksa kërcënonte një vajzë të mitur. Në njoftimin zyrtar, Policia e Durrësit bën me dije se të riut i është gjetur edhe një thikë gjatë kontrollit fizik. Nga ana tjetër, të dyja vajzat e mitura janë shoqëruar gjithashtu në komisariat dhe po intervistohen në prani të psikologes. Videoja e bërë virale tregonte 22-vjeçarin që kërcënonte dhe gjuante me shuplaka një vajzë 17-vjeçare. Kësaj të fundit, ai i jep urdhër t’i puthë këmbët vajzës tjetër që ka të njëjtën moshë me të miturën.

“Puthi këmbë Kiarës, thuaj të hënksha m***,”- dëgjohej t’i thoshte ai në videos.


Reagim i Drejtorisë Vendore të Policisë Durrës: Në lidhje me një video të publikuar ditën e djeshme, në rrjetet sociale, në të cilën shfaqet një shtetas që bullizonte dhe dhunonte një shtetase të mitur, ju sqarojmë se: Shërbimet e Komisariatit të Policisë Durrës, pas transmetimit të pamjeve filmike në rrjetet sociale, menjëherë kanë organizuar punën për identifikimin dhe shoqërimin e shtetasit që shfaqet në video. Shërbimet e Policisë kanë identifikuar, kapur dhe shoqëruar në ambientet e Policisë së Durrësit, shtetasin A. D., 22 vjeç, banues në lagjen nr. 6, Durrës. Në momentin e kapjes, gjatë kontrollit fizik të ushtruar ndaj këtij shtetasi, shërbimet e Policisë i kanë gjetur dhe sekuestuar një mjet prerës (thikë).22-vjeçari ndodhet i shoqëruar dhe po vijojnë veprimet për sqarimin e plotë të rrethanave të ngjarjes.

Njëkohësisht, shërbimet e Policisë kanë identifikuar edhe 2 shtetaset e mitura 17-vjeçare, të përfshira në këtë ngjarje, dhe në bashkëpunim me punonjësit e shërbimit social dhe me psikologun, te dyja shtetaset do të intervistohen me qëllim dokumentimin e plotë të këtij rasti. Policia e Shtetit falënderon mediat dhe qytetarët që denoncojnë rastet e abuzimit me të mitur dhe çdo paligjshmëri tjetër, si dhe siguron qytetarët se strukturat vendore dhe qendrore të Policisë reagojnë në menyrë të menjëhershme, për të vënë përpara drejtësisë personat e përfshirë në paligjshmëri dhe në krim.

 

bullizohet vajza ne durres

Sondazh

Poll

MË SHUMË