Sport

Lewandowski flet për gjithçka: "Messi është futbollisti me të cilin, çdo lojtar në Botë do të ëndërronte të luante në krah të tij"...

“Në Champions League ne nuk dinim saktësisht se si të fitonim apo si të luanim”,- tha sulmuesi polak në një intervistë për ‘Mundo Deportivo’.

25 Dhjetor 2022, 11:13 Nga DOSJA
Lewandowski flet për gjithçka: "Messi është

SPANJE - Robert Lewandowski rishikon lajmet e Barcelonës, në një intervistë për  'Mundo Deportivo'. Sulmuesi polak flet për gjithçka dhe për të gjithë: pezullimin e tij, bisedat që pati me Messin në Kupën e Botës, golat e Barçës nga tani deri në fund të sezonit, muajt e tij të parë në ‘Camp Nou’...

Lewandowski shpjegon edhe ngecjen në Champions League. Çfarë ndodhi që Barça u eliminua në fazën e grupeve? “Në Champions League nuk dinim saktësisht se si të fitonim, apo si të luanim për të fituar, por në La Liga kemi bërë shumë mirë”,- thotë ai dhe vazhdon: “Duhet të vazhdojmë të punojmë, sepse ka ndeshje në të cilat fiton lehtësisht dhe shënon shumë gola, por ka të tjera ku po kalon një ditë të keqe dhe asgjë tjetër nuk ka rëndësi veçse të fitosh dhe të kthehesh në shtëpi me tre pikët”.

Polaku, po, është optimist për pjesën e mbetur të sezonit. “Pas katër muajsh në Barcelonë, dhe tani pas Kupës së Botës, ne e dimë se kemi mundësi për të fituar titujt dhe sigurisht që duhet të mendojmë për këtë, por çdo titull është i vështirë”,- ka thënë ai për ‘Mundo Deportivo’.

‘Pleshti’ e nis me avantazh...

Sa i përket fituesit të ardhshëm të “Topit të Artë”, Lewandowski është i qartë: "Ka ndoshta një lojtar më shumë që luan për të njëjtin klub, por ka vetëm një Kupë Botërore që vendos se kush do ta fitojë atë këtë sezon. Dhe Leo tani është në pozicioni i parë me besim për atë që ka arritur që do të thotë gjithçka për të. Tani ai mund ta shijojë atë."

Messi del në bisedë dhe polaku pyetet nëse do të donte të luante me argjentinasin. "Nuk varet nga unë. Sigurisht, ne shohim që tani ai luan më shumë si një 'play-maker', ndoshta ai shënon më pak gola dhe u jep më shumë pasime shokëve të tij edhe pse vazhdon të shënojë. Por krahasuar me herët e tjera, tani është një futbollisti me të cilin çdo sulmues do të ëndërronte të luante në krah të tij”,- shpjegon ai.

Tre ndeshje pa luajtur...

Nga ana tjetër, TAD të premten e kaluar konfirmoi vendimin për pezullimin me tre ndeshje të vendosura ndaj Lewandowskit, pas kartonit të kuq të tij në ndeshjen kundër Osasunas. "Nuk e kuptoj sepse nuk i thashë asgjë arbitrit. I thashë edhe trajnerit Xavi. Unë nuk thashë asgjë e keqe, asgjë e shëmtuar. Nuk e kuptova se u penalizova tre ndeshje për këtë. Nuk e kuptoj se i meritoj me siguri”, komenton ai në ‘Mundo Deportivo’.

Biseda me Messin: “Ishte një dialog i bukur”

Lewandowski u pyet për bisedën e famshme që pati me Messin në Kupën e Botës në fund të ndeshjes mes Argjentinës dhe Polonisë. "Mund të them vetëm se ishte një bisedë e bukur. Nuk dua të shpjegoj se çfarë biseduam, por ishte një dialog i bukur. E di që edhe pas humbjes në ndeshjen e parë kundër Arabisë Saudite, Argjentina ishte favorit i madh për të fituar titullin."

Sa i përket të ardhmes së tij dhe nëse do të përfundojë kontratën katërvjeçare me Barcelonën, ai tha: “Po, sigurisht. Jam i bindur se do të jem i përgatitur dhe në formë të mirë si tani”.

B.T (Dosja.al)

Sondazh

Poll

MË SHUMË