Bota

Raportimi për rrëmbimin e qytetarëve serbë në veri, Policia e Kosovës del me një reagim: Po i hetojmë të gjitha rastet

Me anë të një deklarate për shtyp, Policia e Kosovës njoftoi se është duke hetuar me seriozitet të gjitha raportimet dhe rastet e denoncuara nga mediat.

21 Dhjetor 2022, 19:31 Nga d.a.
Raportimi për rrëmbimin e qytetarëve serbë në veri,
Policia e kosoves

KOSOVË- Pas raportimeve për rrëmbimet e fundit në rradhët e qytetarëve serb në veri në Kosovë, policia ka dalë me një reagim zyrtar.

Me anë të një deklarate për shtyp, Policia e Kosovës njoftoi se është duke hetuar me seriozitet të gjitha raportimet dhe rastet e denoncuara nga mediat.

“Kërcënimet dhe rrezikimi i sigurisë së qytetarëve në pjesën veriore të Republikës së Kosovës, ka krijuar rrethana të domosdoshme në ngritjen e kapaciteteve policore në menaxhimin e situatës së sigurisë dhe parandalimin e aktiviteteve kriminale. Në funksion të kësaj përveç angazhimeve aktive, janë vendosur edhe pika kontrolli të automjeteve nëpër qytete dhe akse rrugore. Ditëve të kaluara ka pasur informacione, raportime dhe publikime në media lidhur me rrëmbimin, rrahjen dhe keqtrajtimin e disa qytetarëve serb nga pjesëtarë të strukturave kriminale në pjesën veriore të Republikës së Kosovës”.-thuhet në njoftim.

Në njoftim thuhet se Policia Kosovës janë duke trajtuar me seriozitet këto informata dhe janë duke i ndërmarr veprimet e nevojshme hetimore për zbardhjen e tyre. 

 

policia e kosoves tensione në veri të kosovës

Sondazh

Poll

MË SHUMË