Bota

KFOR: Pas prezencës së grupeve kriminale brenda protestuesve, kemi shtuar praninë në Jarinë

KFOR-i thotë se është plotësisht i fokusuar në zbatimin e përditshëm të mandatit të tij, bazuar në Rezolutën 1244 të Këshillit të Sigurimit të OKB-së, për të ofruar një mjedis të sigurt për të garantuar dhe lirinë e lëvizjes, në të mirë të të gjitha komuniteteve që jetojnë në Kosovë

18 Dhjetor 2022, 18:09 Nga I.A
KFOR: Pas prezencës së grupeve kriminale brenda protestuesve, kemi
KFOR

KOSOVË- Pas ngjarjeve të ditës së sotme ne Jarinjë, KFOR-i ka shtuar praninë ushtarake në veri. KFOR-i thotë se është plotësisht i fokusuar në zbatimin e përditshëm të mandatit të tij, bazuar në Rezolutën 1244 të Këshillit të Sigurimit të OKB-së, për të ofruar një mjedis të sigurt për të garantuar dhe lirinë e lëvizjes, në të mirë të të gjitha komuniteteve që jetojnë në Kosovë

“Sot, pas koordinimit me të gjitha palët, KFOR-i ka shtuar praninë e saj në Jarinjë për arsye të sigurisë. Kjo rritje vjen si pasojë e prezencës së mundshme të grupeve të organizuara kriminale brenda protestuesve. Është gjithmonë e rëndësishme që të gjithë personat që marrin pjesë në një protestë të shprehin mendimet e tyre në mënyrë paqësore, duke shmangur dhunën joproporcionale, qëndrimet dhe sjelljet agresive që mund të keqkuptohen dhe të perceptohen si provokim apo dhunë të panevojshme”, thuhet në njoftim.

kfor tensione në veri të kosovës

Sondazh

Poll

MË SHUMË