Bota

Arrestohet ish-polici serb në veri të Kosovës, dyshohet për krime lufte

Gruaja e policit të arrestuar, Suzana, i tha shërbimit publik se në pjesën jugore të Mitrovicës i kishin thënë se burri i saj ishte arrestuar, transferuar në Prishtinë dhe akuzuar për krime lufte.

16 Dhjetor 2022, 09:15 Nga d.a.
Arrestohet ish-polici serb në veri të Kosovës, dyshohet për
Policia

KOSOVË- Një ish-polic në Policinë e Kosovës nga komuniteti serb Sllagjan Trajkoviç është arrestuar të enjten pasdite në shtëpinë e tij në “Lagjen e boshnjakëve” në veri të Mitrovicës.

Sipas Vijesti, gruaja e policit të arrestuar, Suzana, i tha shërbimit publik se në pjesën jugore të Mitrovicës i kishin thënë se burri i saj ishte arrestuar, transferuar në Prishtinë dhe akuzuar për krime lufte.

Lajmin për arrestimin e Trajkoviçit e ka bërë të ditur edhe drejtori i të ashtuquajturës Zyrë për Kosovën në Qeverinë e Serbisë, Petar Petkoviç.

“Arrestimi i ri i ish-policit serb Sllagjan Trajkoviq në Kosovë tregon se Kurti vazhdon gjuetinë e serbëve, nuk dëshiron të qetësojë tensionet dhe të de-përshkallëzojë situatën! Sa papritmas shfaqen provat kundër serbëve që u larguan nga institucionet dhe nuk ekzistonin derisa ata ishin pjesë e sistemit të Kosovës”, ka shkruar Petkoviç në Twitter.

Ky është arrestimi i katërt brenda pak më shumë se një jave në veri të Kosovës dhe arrestimi i dytë i ish-pjesëtarëve të Policisë së Kosovës. Paraprakisht, Dejan Pantiç ishte arrestuar javën e kaluar, që ishte arsyeja zyrtare për barrikadat e reja që u vendosën në të paktën gjashtë vende në veri të Kosovës.

Tensioneve të reja u parapriu me braktisjen masive të shumicës së institucioneve të Kosovës në veri në nëntor të këtij viti, kur më shumë se 500 serbë u larguan nga Policia e Kosovës në të njëjtën kohë. Tensionet u nxitën edhe më tej nga shpallja e zgjedhjeve tashmë të shtyra, të cilat çuan në incidente në Zubina Potok dhe Mitrovicë, kur serbët penguan përfaqësuesit e KKZ-së dhe policisë të hyjnë në zyrat e Komisionit Komunal të Zgjedhjeve. Pas kësaj, forca të përforcuara të PK-së janë vendosur në veri të Kosovës, pas së cilës kanë ndodhur edhe arrestimet.

arrestohet polici serb sllagjan trajkoviç

Sondazh

Poll

MË SHUMË