Bota

Escobar pas takimit me Abazoviç: Mal i zi të mbetet i përkushtuar në rrugën euroatlantike, duhet të zgjidhë ngërçin politik

Escobar pritet të ketë një takim edhe me presidentin e Malit të Zi, Milo Gjukanoviç.

15 Dhjetor 2022, 14:06 Nga a.l
Escobar pas takimit me Abazoviç: Mal i zi të mbetet i
Abazovic dhe Escobar

MAL I ZI- Pas një takimi me kryeministrin e qeverisë malazeze, Dritan Abazoviç në Podgoricë, i dërguari special i SHBA-së për Ballkanin Perëndimor, Gabriel Escobar tha se Mali i Zi duhet të zgjidhë ngërçin politik në të cilin është futur dhe të mbetet i përkushtuar në rrugën euroatlantike. Kështu ka bërë të ditur Ambasada Amerikane pas takimit të Escobarit me kryeministrin Dritan Abazoviç. Takimi u mbajt në ndërtesën e Qeverisë së Malit të Zi, shkruan Vijesti. 

"Ne ndajmë pikëpamjen se Mali i Zi duhet të zgjidhë ngërçin politik në të cilin është gjendur, të mbetet i përkushtuar në rrugën euroatlantike dhe të kundërshtojë qartë agresionin brutal të Rusisë kundër Ukrainës", tha i dërguari special i SHBA-së për Ballkanin Perëndimor, Gabriel Escobar.

Escobar pritet të ketë një takim edhe me presidentin e Malit të Zi, Milo Gjukanoviç. Bashkimi Evropian është i shqetësuar me zhvillimet e fundit në Mal të Zi, sidomos për shkeljen e Kushtetutës me miratimin e Ligjit për Presidentin, i cili, sipas tyre, abuzon qartë me dispozitat kushtetuese./ Dosja.al

gabriel escobar ne malin e zi

Sondazh

Poll