Bota

Tragjedi në Kanalin Anglez, mbytet varka me 50 emigrantë, Suella Braverman e minimizon: Incident shqetësues!

Suella Braverman i është përgjigjur incidentit të mëngjesit të sotëm në Kanal, duke shtuar se po mbahet “vazhdimisht e përditësuar” për situatën.

14 Dhjetor 2022, 10:25 Nga k.m.
Tragjedi në Kanalin Anglez, mbytet varka me 50 emigrantë, Suella
Suella Braverman

BRITANI E MADHE- Sekretarja e Brendshëm e quan incidentin me varkë "shqetësues". Me anë të një postimi në rrjetet sociale, Suella Braverman i është përgjigjur incidentit të mëngjesit të sotëm në Kanal, duke shtuar se po mbahet “vazhdimisht e përditësuar” për situatën.

"Jam në dijeni të një incidenti shqetësues në Kanal këtë mëngjes dhe jam duke u përditësuar vazhdimisht, ndërkohë që agjencitë përgjigjen dhe përcaktojnë urgjentisht faktet e plota. Mendimet e mia të përzemërta janë me të gjithë ata që janë përfshirë,"-tha Suella Braverman.

Ngjarja e rëndë ka ndodhur një ditë pasi kryeministri Rishi Sunak njoftoi një plan me 5 pika për të ndaluar kalimet e paligjshme. Por "zgjidhja" që ai kishte gjetur për të ndaluar emigrantët u cilësua si "e tmerrshme dhe groteske" nga organizatat bamirëse dhe "Amnisty International" me faktin se nuk kishte rrugë të sigurta për të kërkuar azil, ndaj edhe ndodhnin kalimet me barka. 

Po ashtu, ky është rasti i dytë që ndodh diçka e tillë, pasi ka pak më shumë se një vit që kur 32 njerëz vdiqën kur varka e tyre u mbyt në Kanal. Këtë vit kanë ardhur pothuajse 45,000, më shumë se në çdo vit tjetër të regjistruar.

suella braverman mbytet varka ne angli

Sondazh

Poll

MË SHUMË