Aktualitet

Moti i keq prek edhe TIA/ Anulohen mbi 10 fluturime nga “Nënë Tereza”: Shkak mjegulla e madhe

TIA bën me dije se një pjesë e pasagjerëve që u janë anuluar fluturimet, janë zhvendosur në disa aeroporte të tjera si Shkup, Athinë, Stamboll, Bari dhe Venecia.

13 Dhjetor 2022, 18:35 Nga I.A
Moti i keq prek edhe TIA/ Anulohen mbi 10 fluturime nga “Nënë
TIA

TIRANË- Moti i keq ka bërë që 10 fluturime janë anuluar nga Tirana International Airport. Me anë të një njoftimi, TIA bën me dije se një pjesë e pasagjerëve që u janë anuluar fluturimet, janë zhvendosur në disa aeroporte të tjera si Shkup, Athinë, Stamboll, Bari dhe Venecia.

Po ashtu thuhet se disa pasagjerë iu është ofruar mundësia për rimbursim ose janë sistemuar në fluturime për destinacionet përkatëse. Gjashtë avionë të linjës ajrore Wizz Air janë ulur në aeroportin e Shkupit për shkak të mjegullës ndërsa një fluturim me destinacion Luton-Tiranë është anuluar për shkak të dëborës në Londër.

Njoftimi i TIA-së: 

Moti i keq ka afektuar edhe fluturime të kompanive ajrore si Pegasus dhe Air Albania, Lufthansa. Ndërkohë sipas TIA nesër, e mërkurë, 14 dhjetor, pritet që situata të normalizohet. Tirana International Airport informon se 10 fluturime janë anuluar për shkak të kushteve të këqija të motit. Sipas politikave përkatëse të kompanive ajrore, një pjesë e pasagjereve, fluturimet e të cilëve janë anuluar apo janë zhvendosur në aeroportet (Shkup, Athinë, Stamboll, Bari, Venecia) janë akomoduar përreth këtyre aeroporteve ndërkombëtare. Kompania ajrore Wizz Air ka siguruar gjithashtu transportin e pasagjerëve nga Aeroporti Ndërkombëtar I Shkupit drejt Tiranës.

Disa pasagjerë iu është ofruar mundësia për rimbursim ose janë sistemuar në fluturime për destinacionet përkatëse. Gjashtë avionë të linjës ajrore Wizz Air janë ulur në aeroportin e Shkupit për shkak të mjegullës ndërsa një fluturim me destinacion Luton-Tiranë është anuluar për shkak të dëborës në Londër. Moti i keq ka afektuar edhe fluturime të kompanive ajrore si Pegasus dhe Air Albania, Lufthansa. Nesër, të mërkurën, më datë 14 dhjetor 2022, pritet që situata të normalizohet. Për më tepër vizitoni faqen zyrtare të TIA-, në kohë reale, për fluturimet dhe lidhuni me kompaninë ajrore për detaje të mëtejshme. Faleminderit për bashkëpunimin, Tirana International Airport

tirana international airport tia permbytet shqiperia 2022

Sondazh

Poll